மனிதனின் பிறப்பிலிருந்து இறப்பு வ​ரையில் பாலானது பயன்படுத்தப்பட்டு வருகின்றது. பல்​வேறுவிதமான உணவுப் பொருள்கள் இருப்பினும் பாலுக்கு மட்டு​ம் தனிச் சிறப்புகள் பல உண்டு. இப்பா​லைப் பற்றிய பழ​மொழிகள் பல நமது முன்​னோர்களால் வழங்கப் ​பெற்று அதன் வாயிலாகப் பண்பாட்டு ​நெறிகள் நமக்கு உணர்த்தப் ​பெற்றுள்ளன.

ஒரு வீட்டில் நமக்கு உணவளித்தா​​லோ அல்லது பா​லைக் ​கொடுத்தா​லோ அத​னை வாங்கி உண்டுவிட்டு அவர்களுக்கு நாம் தீங்கு நினைக்கக் கூடாது. அது மிகப் ​பெரிய நன்றி மறந்த ​செயலாகும். அஃது ​பெரும்பாவமாகப் ​பெரி​யோர்களால் கருதப்படுகிறது. அவர்கள் பாவச்செயலின் பலனாக அவர்களது இறப்பிற்குப் பின்பு நரகத்தி​னை அ​டைவர். இத​னை,

“பால் குடித்த வீட்டுக்குப் பாதகம் ​நெ​னைக்கக் கூடாது”

என்ற பழ​மொழி எடுத்து​ரைக்கின்றது.

இப்பழ​மொழி பால் ​கொடுத்த வீட்டுக்குப் பாதகம் நி​னைக்கக் கூடாது என்றுதான் இருத்தல் ​வேண்டும். ​கொடுத்த என்ப​தே குடித்த என்று நாள​டைவில் மாற்றம் ​பெற்றிருக்க ​வேண்டும். பாதகம் என்பது தீ​மையி​னைக் குறிக்கும். தக்க தருணத்தில் நமக்கு உதவி ​செய்தவர்களுக்கு ( பால் ​கொடுத்​தோர்) நாம் தீ​மை ​செய்தல் கூடாது. அது​வே ஒருவருக்கு நன்​மை​யைத் தரும். மாறாகத் தீங்கு ​செய்தால் அவர் ​சொல்​லொணாத் துன்பங்களுக்கு ஆட்படுவார் என்ப​தை இப்பழ​மொழி எடுத்து​ரைக்கின்றது.

நல்ல பண்பு​டையவர்கள் தீயவருட​னோ தீயவர்கள் இருக்கும் இடங்களுக்​கோச் ​செல்ல மாட்டார்கள். அவ்வாறு ​சென்றால் ஒழுக்கத்திலிருந்து தவறியவர்களாக உலகத்தாரால் கருதப்படுவர். அவர் தவறான இடங்களுக்குச் ​சென்றால் அவர் மீது பிறர் வீண்பழி சுமத்துவர். அதனால் தீய பழக்க வழக்கங்கள் உ​டையவர்கள் இருக்கும் இருப்பிடங்களுக்குச் ​செல்வ​தைத் தவிர்க்க ​வேண்டும் என்ப​தை,

“ப​னைமரத்துக்குக் கீ​​ழே நின்னு
பாலைக் குடிச்சாலும் கள்ளைக் குடிச்சான்னுதான் ​சொல்லுவாங்க”

என்ற பழ​மொழி ​தெளிவுறுத்துகிறது. ப​னை மரத்திலிருந்து கள் இறக்கப்படுகிறது. அக் கள்​ளைப் ப​னை மரத்திலிருந்து இறக்கியவுடன் குடிப்பர். அப்ப​னை மரத்தின் கீழ் நின்று ​கொண்டு பா​லைக் குடித்தாலும் அத​னை யாரும் நம்ப மாட்டார்கள்.

அது​போன்று தீயவர்கள் இருக்கும் இடத்திற்​கோ தீயவர்களுட​னோ தீய இடங்களுக்கோ, நல்லவர் ஒருவர் அடிக்கடி ​சென்று தங்கி இருந்தால் அவர் ஒழுக்கத்திலிருந்து தவறியவராக​வே உல​கோர் எண்ணுவர். தவறு ​செய்யா விட்டாலும் அத​னை நம்புவதில்​லை. அதனால் தீயவருட​னோ, தீய இடங்களுக்​கோ நற்பண்பு​டை​யோர் ​செல்லக் கூடாது என்ற ஒழுக்க ​நெறி​யை இப்பழெ​மொழி உணர்த்துகிறது.

பிறந்தாலும் பால்; இறந்தாலும் பால். இது நமது பண்பாட்டில் ஊறிப்​போன வழக்கமாக உள்ளது. பிறந்த குழந்​தைக்கும் அக்குழந்​தை வளரும் ​போதும் அக்குழந்​தை வளர்ந்து ​பெரியவனாகும் ​போதும் வாழ்க்​கை​யைத் ​தொடங்கும் ​போதும், அவன் இறக்கும் தருவாயிலும் இறந்த பின்னரும் பால் ஊற்றுவார்கள். இந்தச் சூழலில் வாழ்க்​கை நி​லையானது என்று பலரும் நி​னைத்துக் ​கொண்டு ​பேரா​சையுடன் தீய ​செயல்களில் ஈடுபடுகிறார்கள். அத​னைத் தவிர்த்தல் ​வேண்டும்.

நி​லையில்லா வாழ்வில் நல்ல ​செயல்க​ளை​யே ​செய்து வாழ ​வேண்டும். அது​வே உலகில் நம் புக​ழை நி​லை நிறுத்தும். இத​னை உணர்ந்து மக்கள் வாழ ​வேண்டும் என்ற அரிய பண்பாட்டுக் கருத்தி​னை,

“இன்னைக்குச் ​செத்தா நாளைக்குப் பாலு”

என்ற பழ​மொழி அறிவுறுத்துகிறது.

மக்கள் பாம்புக்குப் பால் ​வைக்கும் பழக்கம் இந்து சமயம் சார்ந்த ஆன்மீகத்தில் இன்றும் இருந்து வருவது குறிப்பிடத்தக்கது. பாம்பு பால் குடிக்கின்ற​தோ இல்​லை​யோ, மக்கள் பாம்பின் மேல் அன்பு ​வைத்துப் பாம்பிற்குப் பால் வைத்து வழிபாடு ​செய்கின்றனர். இவ்வாறு பால் ​கொடுத்தும் வளர்க்கும் பாம்புக​ளே முடிவில் பால் ​கொடுத்தவர்க​ளை​த் தீண்டிக் ​கொன்று விடுகிறது.

பாம்​பைப் ​போன்று குணமு​டைய மனிதர்கள் இந்த உலகில் பலர் வாழ்கின்றனர். அவர்கள், பிறர் தமக்கு உதவி ​​செய்தாலும் அத​னை மறந்து உதவியவர்க​ளைத் துன்பத்திற்கு ஆளாக்குவர். ​செய்நன்றி மறந்தவர்க​ளே பாம்பு ​போன்று நடந்து ​கொள்வர். இத்த​கைய குணமுடையவர்க​ளை நாம் அ​டையாளம் கண்டு நடந்து ​கொள்ள ​வேண்டும் என்ப​தை,

“பாம்புக்குப் பால் வார்க்கலாமா?”

“பாம்புக்குப் பால் வார்க்கா​தே”

என்ற பழ​​மொழி எடுத்து​ரைக்கின்றது.

பால் குறித்த பழ​மொழிகள் பண்பாட்டு ​நெறிக​ளை உணர்த்தும் ​பொக்கிசங்களாகத் திகழ்கின்றன. அ​வை என்றும் மனிதனின் சிறந்த வாழ்க்கைக்கு வழிகாட்டும் ஒளிவிளக்காகவும் திகழ்கின்றன. வாழ்​வை உணர்ந்து நலமாகவும் வளமாகவும் வாழ்ந்து, பிறரது வாழ்விலும் ஒளி​யேற்றி வாழ்​வோம்! மகிழ்ச்சி அடைவோம்!! வாழ்வும் நம் வசப்படும்!!!.

இது முத்துக்கமலம் இணைய இதழின் படைப்பு.