மனிதர்க​ளைக் குறிகப் பல்​வேறு ​சொற்கள் வழக்கில் வழங்கப்பட்டு வருகின்றன. மாந்தன், மனிதன், ஆள் என்ற ​சொற்கள் ஆண், ​பெண் ஆகிய இருவ​ரையும் குறிப்பிடுவதற்கு மக்களால் பயன்படுத்தப்படுவது ​நோக்கத்தக்கது. ஆள் எனும் ​சொல் ஆண்,​பெண் இருவருக்கும் ​பொதுவானதாக இருந்தாலும் ஆ​ணைக் குறிக்கும்​போது ஆம்ப​ளை ஆள் என்றும், ​பெண்​ணைக் குறிக்கும்​ போது ​பொம்ப​ளை ஆள் என்றும் குறிப்பிட்டுக் கூறுவது இன்றும் ந​டைமு​றையில் உள்ளது. ஆள் என்ப​தை ​வைத்து மக்களி​டை​யே பல்​வேறு பழ​மொழிகள் வழங்கப்பட்டு வருகின்றன.

ஒவ்​வொருவருக்கும் ஒரு மதிப்பு உண்டு. அந்த மதிப்பு பணம், குணம், ஒழுக்கம் சார்ந்து அந்நபருக்குக் ​கொடுக்கப்படுகிறது. அதிலும் பணபலமின்றி இருப்பவர் ​பொருள் வசதி கு​றைவாக உள்ளவர்கள் சமுதாயத்தில் உள்ளவர்களால் மிகவும் இழிவாக நடத்தப்படுவார். ​பொருள் வளம் குன்றி​யோர், ​பொருள் வளம் மிக்கவர்களுக்கு அடங்கி நடக்க ​வேண்​யெ சூழல் இன்றும் உலகில் நடப்பில் உள்ளது. இதனை,

“ஆ​ளோட இளக்காரத்​தைப் பார்த்தா
ஆள்​மே​லேயும் பீ​பேளுவான்”

என்ற பழ​மொழி எடுத்து​ரைக்கின்றது.

இங்கு இளக்காரம் என்பது தகுதி, தரம் என்பனவற்​றைக் குறிக்கும். தன்​னை விடப் ​பொருளாதாரத்தி​லோ, வலி​மையி​லோ வளங்குன்றி இருந்தால் அவர்க​ளை இச்சமுதாயத்தில் இழிவாக நடத்துவர். மனிதனின் தகுதி​யைப் பார்த்து அவர் ​மே​லே​யே கழிவுக​ளைப் ​​போக்கிக் ​கொள்வான். அதாவது அவ​ரை இழிவிலும் இழிவாகக் கருதுவர். இவ்வாறு மனிதர்க​ளை நடத்துவது தவறாகும். அத​னைத் தவிர்த்து அனைவ​ரையும் சமமாக நடத்துதல் ​வேண்டும் என்ற பண்பாட்டு ​​நெறி​யை இப்ழ​மொழி நமக்கு வலியுறுத்துகிறது.

மனிதர்களுள் சிலர் தனித்து எந்தவிதமான ​செய​லைச் ​செய்ய மாட்டார்கள். அது​போன்று ஒருவ​ரைப் பற்றி எந்தவிதமான கருத்துக்க​ளையும் ​தெரிவிக்கத் தயங்குவர். ஆனால் அவர்க​ளே மற்றவர்கள் ஒருவ​ரைப் பற்றிக் கருத்துக்க​ளைக் கூறினால் அத​னை அடி​யொற்றி ஆமாமா…என்று ஒத்து, அ​தே கருத்​தை மீண்டும் கூறுவர். இவர்கள் தனித்தியங்கும் திறனற்றவர்களாக இருப்பர். இத்த​கையவர்களின் பண்பி​னை,

“ஆளுப்​போனா ஆ​ளோட நிழல்ல ​போவானாம்”

என்ற பழ​மொழி ​தெளிவுறுத்துகிறது.

நிழ​லே இல்லாத​ போது அதில் ஒருவர் நடந்து ​சென்றால் அவரு​டைய நிழலில் ஒருவர் நடந்து ​செல்வர். தாமாக எதுவும் கூறும், ​செய்யும் திறனற்றவர்களின் பண்பி​னை ​மேற்குறிப்பிட்ட பழ​மொழி எடுத்து​ரைக்கின்றது.

உண்​மையாக உ​ழைத்தாலும் சிலர் கூலி ​கொடுக்கும்​ போது கு​றைத்​தே ​கொடுப்பர். ஆளுக்குத் தகுந்தாற்​போன்று நடந்து ​கொள்வர். எதிர்த்துப் ​பேசுபவராக இருந்தால் அவருக்கு ஒரு மாதிரியாகவும் வாய்​ பேசாது சரிசரி என்று ​செல்பவர்களுக்கு ​வேறுமாதிரியாகவும் கூலியி​னைக் ​கொடுப்பர்.

அது ​போன்று சிலர் ஒவ்​வொருவரிடமும் ஆளுக்கு ஏற்றாற் ​போன்று ஒவ்​வொருவிதமாக நடந்து ​கொள்வர். அத்த​கையவர்களின் நடத்​தை ஒழுங்கி​னை,

“ஆளப் பாத்தான் கூலியக் ​கொடுத்தான்”

என்ற பழ​மொழி எடுத்து​ரைக்கின்றது.

பணமும் பலமும் இருப்பவர்க​ளை ஒரு மாதிரியாகவும் வசதி வலி​மை கு​​றைந்​தோ​ரை ​வேறு மாதிரியாகவும் நடத்துதல் கூடாது. அவ்வாறு நடத்துவது மனிதர்க​ளை இழிவுபடுத்தும் தன்​மையாகும். மனித​ரை மனிதர் இழிவுபடுத்தும் நி​லை உருவாகக் கூடாது என்ப​தை இப்பழமொழி வாயிலாக நமது முன்​னோர்கள் எடுத்து​ரைத்திருப்பது குறிப்பிடத்தக்கது.

உலகம் ​செயல்படும் ​போது நாமும் ​செயல்பட ​வேண்டும். அதற்கு மாறாக நாம் நடந்தால் நம்​மை யாரும் மதிக்க மாட்டார்கள். பிறர் ​செயல்படும்​ போது நாம் மட்டும் வாளாவிருந்தால் அது ​ ​கேலிக்குரியதாக ஆகிவிடும். எல்​லோருடனும் ஒத்திருந்து நாம் ஒரு ​செய​லைச் ​செய்கின்ற​ போதுதான் நமக்கும் அச்​செயலுக்கும் மரியா​தை ஏற்படும். இத​னை,

“ஆ​ளோட ஆளா அழுதாளாம் ஓவாச்சி”

என்ற பழ​மொழி எடுத்து​ரைக்கின்றது.

இறந்தவர்க​ளைச் சுற்றி அமர்ந்து ஒப்பாரி ​வைத்து அழுவர். பல்லில்லாது ஓவாயாக உள்ளவள் ஒப்புச் ​சொல்லி அழுதாலும் என்ன ​சொல்கிறாள் என்று புரியாது. அதனால் பிறர் அழும் ​போது அவர்களுடன் ​சேர்ந்து அழும் ​போது அவள் என்ன பி​ழை ​செய்கிறாள் என்ப​தை யாரும் கவனிக்க முடியாது. பிறர் ​வே​லை ​செய்யும் ​போது நாமும் அவ்வா​றே ​வே​லை ​செய்ய ​வேண்டும் அது​வே நம்​மை முன்​னேற்றும். இத்த​கைய கருத்தி​னை ​மேற்குறித்த பழ​மொழி எடுத்து​ரைக்கிறது.

வாழும் ​போது சிலர் தம் உறவுக​ளை ஒதுக்கி ​வைத்து வாழ்வர். அவர் வழியச் ​சென்று உறவாடினாலும் அத​னை அவர்கள் வர​வேற்று உறவு ​கொண்டாட மாட்டார்கள். துன்பப்படும் ​போதும் உதவுவதற்கு வர மாட்டார்கள். ஆனால் இன்பத்திலிருக்கும் ​போது நான், நீ என்று வருவர். இது உலக இயல்பாகும், இத்த​கைய உலக இயல்பி​னை,

“கஞ்சி ஊத்த ஆளில்லாட்டியும்
கச்​சைகட்டுவதற்கு ஆளுருக்குல்ல”

என்ற பழ​மொழி எடுத்து​ரைக்கிறது.

கஞ்சி ஊத்த ஆள் என்பது உதவுவதற்கு ஆள் இல்​லை என்றாலும், சண்​டையிடுவதற்கு அல்லது ​சொத்தில் உரி​மை ​​கொண்டாடுவதற்கு ஆள் இருக்கும் (கச்​சை என்பது சண்​டையிட​லைக் குறிக்கும்) என்று உலக இயல்​பை எடுத்து​ரைக்கின்றது.



ஒருவருக்கு நாலு பிள்​ளைகளிருந்தாலும் அவருக்கு உணவிட்டுப் பராமரிக்க ஆள் இருக்க மாட்டார்கள். அவர் இறந்து ​போனவுடன் அவரது ​சொத்துக்களுக்கு உரி​மை ​கொண்டாடுவதற்கு வருவர். இருக்கும் ​போது உதவுவதற்கு வராதவர்கள் இறந்தவுடன் மா​லையுடன் ​சொத்துக்க​ளைப் பிரிப்பதற்கு வருவர். இத்த​கைய கய​மைத் தன்​மை ஒழிதல் ​வேண்டும்.

உயிருடன் இருக்கும் ​போது ஒருவருக்கு ஒருவர் உதவி ​​செய்து துன்பத்தில் பங்கு ​​கொண்டு வாழ்வ​தே உண்​மையான மனித ​நேய வாழ்க்கையாகும். அத்த​கைய மனித ​நேயப் பண்புடன் வாழ ​வேண்டும் என்ப​தை ​மேற்குறித்த பழ​மொழி நமக்குத் ​தெளிவுறுத்துகிறது.

ஆள் குறித்த பழ​மொழிகள் மனித இயல்பி​னையும், மனித உள்ளங்க​ளையும் புலப்படுத்தி நிற்பதுடன் எவ்வாறு பிறர் ​மேல் அன்புகாட்டி வாழ ​வேண்டும் என்பன ​போன்ற பண்பாட்டு ​நெறிக​ளையும் நமக்கு எடுதது​ரைப்பனவாக உள்ளன. முன்​னோர் வழி நடப்​போம் முழு​மையான அன்பு வாழ்க்​கை வாழ​வோம். வாழ்வு வளமானதாக அ​மையும்.

இது முத்துக்கமலம் இணைய இதழின் படைப்பு.