Welcome to Muthukamalam Tamil Web Magazine...! முத்துக்கமலம் இணைய இதழ் தங்களை அன்புடன் வரவேற்கிறது...!
                1-6-2006 முதல் இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!!            ISSN  2454-1990
muthukamalam muthukamalam
உங்கள் படைப்புகளை ஒருங்குறி எழுத்துருவில் (Unicode Font)தட்டச்சு செய்து msmuthukamalam@gmail.com எனும் மின்னஞ்சலுக்கு அனுப்பி வைக்கலாம் - ஆசிரியர்.

முத்து: 14 கமலம்: 12
உள்ளடக்கம்

சமையல்

Alexa Rank


பார்வையாளர்கள்
(04-12-2008 முதல்)


கட்டுரைத் தொடர்
கட்டுரைத் தொடர் -6

வரலாற்றில் து​ரோகங்களும் து​ரோகிகளும்

முனைவர் சி. சேதுராமன்


8. அ​டையாளமான து​ரோகம்

பேரா​சைதான் து​ரோகத்தின் ஆணி​வேரா இருக்கிறது. எந்தத் தகுதியு​மே இல்லாதவர்கள் ​பேரா​சைப்பட்டால், எதற்கும் கவ​லைப்பட மாட்டார்கள்... தன்​னை நம்பியவர்களை நயமாகப் ​பேசிக் கழுத்தறுத்து விடுவார்கள். அதுமட்டுமில்லை, தனக்கு உதவி ​செய்தவர்களுக்​கே நம்பிக்​கைத் து​ரோகம் ​செய்து அவர்களை அழித்து விடுவார்கள். இவர்களின் மனதில் ​பொறா​மை ​கொழுந்துவிட்டு எரியும், ​பொறா​மையால் மனம் நிரம்பியவர்கள் அ​மைதியா​கவே இருக்க மாட்டார்கள். இவர்கள் தங்களைப் பற்றி நினைப்பதை விட மற்றவர்களைப் பற்றியே அதிகமாக நினைத்துக் கொண்டிருப்பார்கள். மற்றவர்கள் எப்படிப் ​போனாலும் இவர்களுக்குக் கவ​லை இல்​லை... தான் மட்டும் பலன​டைய வேண்டும்... என்கிற எண்ணமே இவர்களிடம் மேலோங்கி நிற்கும்... கிராமங்களில் இவர்களைப் போன்றவர்களை நன்றி​யைச் சுட்டுத் தின்றவர்கள் என்று ​சொல்வார்கள்...

மகாபாரதத்திலே ஒரு க​தை...

மத்தியப் பிர​தேசத்துல ​கெளதம ​கோத்திரத்தில பிறந்த ​கெளதமன் என்ற ஒரு அந்தணன் வாழ்ந்து வந்தான். அவ​ன் முன்​னோர்கள் ​வேதத்துல க​ரை கண்டவர்கள், ​வேத விற்பன்னர்கள். ஆனால் இவன் அவர்களுக்​கெல்லாம் ​நேர்மாறானவன். ​வேதம் என்றாலே என்னவென்று அவனுக்குத் ​தெரியாது. அவன் அதையெல்லாம் படிக்கவில்லை. இருப்பினும், அவம் மனதில் ​பெரிய ஆ​சை ஒன்று இருந்தது. எல்லோரும் பணக்காரர்களாக ஆகி விடுகிறார்கள், தனக்கும் ​நி​றையப் ​பொன், ​பொருள் கி​டைத்தால் நன்றாக இருக்கு​மே என்று நினைத்தான். அதற்கு என்ன செய்வது என்று ​யோசித்தான். அவனுக்கு ​வேத​மோ ​​வேறு ​தொழி​லோ எதுவும் ​​​தெரியாது.

அப்பொழுது அவனுக்கு ஒரு ​யோச​னை தோன்றியது. பக்கத்துக் காட்டிலே இருக்கிற திருடர் த​லைவனிடம் ​சென்று ஏதாவது ​பொருளுதவி ​கேட்கலாம் என்று நினைத்து, அந்தத் திருடர்கள் வசிக்கிற காட்டுக்குள் ​சென்றான்.

காட்டுக்குள் சென்ற அவனைத் திருடர்கள் சிலர், திருடர் த​லைவனிடம் ​அ​ழைத்துச் சென்றனர். அந்தத் த​லைவன் ​கெளதமனின் ஏழ்​மை நி​லையைப் பாத்து, அவனுக்கு ஒரு வீடும் ஒரு வருடத்திற்குத் தேவையான உணவுப் ​பொரு​ளையும் ​கொடுத்து ஒரு ​பெண்​ணையும் திருமணம் ​செய்து ​வைத்தான். அந்தணனாகிய ​கெளதமன் நாளாக நாளாக திருடர்களைப் ​போலவே வாழத் ​தொடங்கினான்.

​வேட்​டைக்குப் ​போயி அன்னப் பற​வைக​ளைக் ​கொன்று தூக்கிட்டு வந்து ச​மைத்துச் சாப்பிட்டான். திருடர்களுக்கு உதவி ​செய்வான். இப்படி​யே ​அவ​னோட வாழ்க்​கை போய்க் கொண்டு இருந்தது. ஒரு நாள் அவன் காட்டுக்குள் சென்று ​வேட்​டையாடிவிட்டுத் திரும்பி வரு மழியில் ஒரு முனிவரைப் பார்த்தான்.

ச​டைமுடி​யோட இருந்த அந்த முனிவர் அவனைப் பார்த்து, “நீ உயர்ந்த குலத்திலே பிறந்தவனாகத் தெரிகிறாய்... எப்படி இந்த மாதிரியான ​கொ​லைத்​ தொழி​லைச் ​செய்து கொண்டு இருக்கிறாய். இதை விட்டுட்டு நீ ​வேறு ஏதாவது தொழில் ​செய்து பி​ழைக்கலாமே...” என்று ​சொன்னார்.

அதற்குக் ​கெளதமன், “நீங்க ​சொல்வது எனக்குப் புரிகிறது. என்னுடன் இன்றிரவு மட்டும் தங்கி இருங்கள். நா​ளைக் கா​லையில் நானும் உங்களுடன் வருகி​றேன்” என்றான்.

அந்த முனிவரும் அவ​னுடன் தங்கினார். ஆனால், அவன் ​கொடுத்த உணவைச் சாப்பிடாமல் இர​வெல்லாம் பட்டினியாக இருந்தார். காலையில் ​யாரிடமும் ​சொல்லாமல் அங்கிருந்து புறப்பட்டுப் ​போய் விட்டார்.

​கெளதமனும் அந்த முனிவரிடம் ​சொன்னது ​போல், கா​லையி​லே​யே அந்த இடத்தை விட்டுக் கிளம்பிச் ​சென்றான். ​நீண்ட தூரம் நடந்த ​கெளதமன் பூக்கள் பூத்துக் குலுங்கும் மரங்களடர்ந்த ​சோ​லை​யைப் பார்த்தான். எங்​கே பார்த்தாலும் நறுமணம் நி​றைந்திருந்த இடங்கள். அப்படி​யே பார்த்துக் கொண்​டே ​போனவன் ஒரு ​பெரிய ​ஆலமரத்தடியில வந்து அத​ன் நிழலில் படுத்தான். நடந்த க​ளைப்பில் அப்படி​யே தூங்கி விட்டான்.

அப்​போது அந்த ஆலமரத்துல குடியிருக்கிற நாடீஜங்கன் என்ற ​பெயரு​டைய ​கொக்கு அங்கு வந்தது. தன்​னோட வீட்டின் கீழாகப் படுத்திருக்கும் அந்தணனைப் பார்த்து மகிழ்ச்சிய​டைந்தது. அவனை எழுப்பி வணக்கம் சொல்லி, அவனுக்கு நல்ல உண​வைக் ​கொடுத்தது. இரவில் அவனுக்குப் பூக்களால் ஆன படுக்​கை​​யைக் ​கொடுத்துப் படுக்கச் ​சொன்னது.

இரவில் நன்றாகத் தூங்கி எழுந்த அந்த அந்தணனைப் பார்த்த ​கொக்கு, “உனக்கு என்ன ​வேண்டும்? எதுக்காக இவ்வளவு தூரம் வந்தாய்?” என்று ​கேட்டது.

அதற்கு ​கெளதமன் தனக்குப் ​பொன்னும் ​பொருளும் ​வேண்டும். அ​தைத் ​தேடி​யே தான் வந்ததாகக் கூறினான். அத​னைக் ​கேட்ட ​கொக்கு நீ என்​னோட நண்பன். உனக்கு உதவி ​செய்வது என்​னோட கட​மை. இப்​பொழுது நீ சாப்பிட்டுவிட்டு என்​னோட நண்பன் விரூபாக்ஷன் என்ற ​பெயரு​டைய அரக்கர்களின் மன்னன் ஒருவன் இருக்கிறான். அவன் நல்லவன். அவனிடம் நீ ​சென்று உன்னு​டைய ​​கொக்கு நண்பன் நாடீஜங்கன் என்​னை அனுப்பினான் என்று ​சொல். அவன் உனக்குத் ​தே​வையான ​பொன், ​பொருள் அ​னைத்​தையும் ​கொடுப்பான்” என்று வழி கூறி அவனுக்கு உணவும் ​கொடுத்து அனுப்பியது.

​கொக்கு கூறிய​தைக் ​கேட்ட ​கெளதமன் அரக்க மன்னன் இருக்கும் இடத்​தை ​நோக்கிச் ​சென்றான். அவன் அரக்கர்களின் வாழிடத்​தை அ​டைந்தவுடன் அங்கிருந்த அரக்கர்கள் அவனைத் தூக்கிச் ​சென்று அரக்க மன்னனின் முன்பு நிறுத்தினர். ​கெளதம​னைப் பார்த்த விரூபாக்ஷன், “உனக்கு ​வேதங்கள் ​தெரியுமா? நீ யார்? எங்கிருந்து வருகிறாய்?” என்று ​கேள்விகள் ​கேட்டான்.

நடுங்கிய ​கெளதமன் தன்​னைப் பற்றிய உண்​மைக​ளை எடுத்துக் கூறி தன்​னை ​கொக்கு அனுப்பி ​வைத்த விவரத்​தையும் அவனிடம் கூறினான். அத​னைக் ​கேட்ட அரக்க மன்னன், “அந்தணர்களுக்கு நா​ளை விருந்தும் தானமும் அளிக்கப் ​போகி​றேன். என் நண்பன் கூறியனுப்பியதால் உனக்கும் தருகி​றேன். வாங்கிச் ​செல்” என்று கூறி விடுத்தான்.

மறுநாள் அந்தணர்களுக்கு விருந்து நடந்தது. விருந்துண்ட அந்தணர்க​ளைப் பார்த்து, “உங்களுக்கு ​வேண்டிய​ ​தங்கம், ​வெள்ளி ​வைரம் உள்ளிட்ட ​பொருள்கள் அ​தோ கிடக்கின்றன. உங்களுக்கு ​வேண்டிய​தை ​ ​வேண்டுமளவு எடுத்துக் ​கொண்டு இன்​றையப் ​பொழுதுக்குள் இங்கிருந்து ஓடிவிடுங்கள். இன்று மட்டும் உங்களுக்கு அரக்கர்கள் எந்தவிதமான தீங்கும் ​செய்ய மாட்டார்கள்” என்று கூறினான்.

இத​னைக் ​கேட்ட ​கெளதமனும் அந்தணர்களும் ​வேண்டிய ​பொருள்க​ளை அள்ளிக் ​கொண்டு அங்கிருந்து ஓடினார்கள். ​கெளதமன் ​வேக​வேகமாக அந்த இடத்​தை விட்டு ஓடினான். அவனிடம் ​பொன்னும் ​பொருளும் நி​றைந்த ​பெரிய மூட்​டை இருந்தது. அவனுக்கு மிகுந்த க​ளைப்பு ஏற்பட்டது. அவ்வாறு ஓடியவன் தான் முன்பு தங்கி இருந்த ஆலமரத்​தை வந்த​டைந்தான்.

மா​லை ​நேரமாகி விட்டதால் உணவில்லாத க​ளைப்பில் மூட்​டைக​ளை ​வைத்துவிட்டு அப்படி​யே அயர்ந்து உட்கார்ந்தான். சற்று ​நேரத்தில் அங்கு வந்த ​கொக்கு அவனது க​ளைப்​பைப் ​போக்கும் வண்ணம் தனது சிறகுகளால் விசிறியது. பின்னர் அவனுக்கு நல்ல உண​வைக் ​கொடுத்தது. அத​னை உண்ட ​கெளதமன் மூட்​டைக​ளை ​வைத்துவிட்டு அங்​கே​யே தூங்கினான். பக்கத்தில் ​கொக்குப் படுத்துறங்கியது.

இந்த நி​லையில் ​கெளதமனின் உள்ளத்தில் து​ரோக எண்ணம் த​லைதூக்கியது. நாம் இப்படி​யே ​போனால் நாம் உண்ணுவதற்கு உணவு கி​டைக்கா​தே? வழியில் பசித்தால் நாம் என்ன ​செய்வது? என்று ​யோசித்தான். அவனுக்கு ஒரு எண்ணம் மனதில் ​தோன்றியது. அருகில் படுத்திருந்த ​கொக்​கைக் ​கொன்று அதன் மாமிசத்​தை எடுத்துப் பக்குவப்படுத்திக் ​கொண்டால் உணவுக்குக் கவ​லையில்​லை என்று நி​னைத்துத் தனக்கு உணவிட்டு உதவிய ​கொக்கி​னைக் ​கொன்று தீமூட்டி அதில் ​கொக்​கை வாட்டிப் பக்குவப்படுத்திக் ​கொண்டு கிளம்பினான்.

கா​லையில் தனது நண்பன் ​கொக்கு வராத​தைக் கண்ட அரக்க மன்னன் தனது ​கொக்கு நண்பனுக்கு ஏ​தோ ​நேர்ந்துவிட்டது என்று கருதி தனது மக​னை விடுத்துத் ​தேடச் ​சொன்னான். ​கொக்​கைத் ​தேடிப் புறப்பட்ட அரக்கன் மகன் ஆலமரத்தடியில் ​கொக்கின் சிறகுகள் கிடந்ததைக் கண்டு அ​தை ​கெளதமன் தான் ​கொன்றிருக்க ​வேண்டும் என்று அறிந்து அவ​னைத் ​தேடிக் கண்டுபிடித்து அவனிடமிருந்த ​கொக்கின் இ​றைச்சி​யையும், அவ​னையும் இழுத்து வந்து தன் தந்​தையிடம் ஒப்ப​டைத்தான்.

தன் நண்ப​னைக் ​கொன்ற அந்தத் து​ரோகி​யை அரக்கர்களிடம் ஒப்ப​டைத்து ​வெட்டிக் ​கொல்லச் ​செய்தான். தனக்கு உணவிட்டுத் தன்​னைப் பாதுகாத்த ​கொக்​கை​யே நன்றி மறந்து அதற்குத் து​ரோகம் ​செய்த கயவன் ​கெளதமன் அரக்கர்களின் ​வே​லையாட்களால் ​வெட்டிக் ​கொல்லப்பட்டு இறந்தான்.

​பேரா​சை பிடித்தவனின் உள்ளம் எப்படி​யெல்லாம் ​செயல்படும் என்ப​தை இந்தக் க​தை நமக்குச் ​சொல்கிறது. இந்தக் ​கெளதமன் மாதிரி ஆட்கள் எப்​போதும் இருந்து கொண்டுதான் இருப்பார்கள். இந்த நன்றி ​கெட்ட ​கெளதமன் போன்றே மீர் ஜாஃபர் என்பவன் இருந்தான். அவன் ​செய்த து​ரோகமும் கூட இ​து ​போன்றதுதான்.



வங்காள நவாப்

அலிவர்திகான் என்பவர் வங்காள நவாப்பாக இருந்தார். அவர் நல்லவர். அவர் காலத்தில் இந்தியாவில் காலூன்ற நி​னைத்த கிழக்கிந்தியக் கம்​பெனியிடம் அவர் கவனமாக நடந்து ​கொண்டார். அவர்களுக்குச் சுதந்திரம் ​கொடுக்கவில்​லை. அவர்களிடம் கண்டிப்புடன் நடந்து ​கொண்டார். இதனால் கிழக்கிந்திய கம்​பெனி வங்காளத்தில் காலூன்ற முடியாமல் தவித்தனர். ​எப்படியாவது வங்காளத்​தைக் ​கைப்பற்றிவிட ​வேண்டும் என்று கிழக்கிந்தியக் கம்​பெனியார் சூழ்ச்சி ​செய்தனர்.

இந்தச் சூழலில்தான் 1756-ஆம் ஆண்டு அலிவர்திகான் இறந்தார். வங்காள நவாப்பாக பத்​தொன்பது வயதான அலிவர்திகானின் ​பேரன் சிராஜ் உத்​தெளவ்லா பதவி​யேற்றார். இவர் தாத்த​வைப் ​போல நிதானமாக இல்லாது அவசரப்படும் குணமுள்ளவராக இருந்தார். ஆங்கிலப் ப​டைகளின் விரிவாக்கத்​தை இவர் தடுத்தார். இதனால் ​கோபமுற்ற ஆங்கி​லேயர் ப​டை​கொண்டு வங்காளத்​தைத் தாக்க முயன்றனர். இத​னையறிந்த சிராஜ் உத்​தெளலா சிறுப​டை​யொன்​றை அனுப்பி அவர்களின் முயற்சி​யை முறியடித்தார். அ​தோடு மட்டுமல்லாமல் பல ஆங்கில அதிகாரிக​ளையும் சி​றைக்​கைதிகளாக்கிக் ​கொண்டுவந்தார். ஆங்கி​லேயர் வசமிருந்த ​கொல்கத்தா நக​ரையும் ​கைப்பற்றிக் ​கொண்டார். சி​றைப்பட்ட ஆங்கில அதிகாரிக​ளை வில்லியம் ​கோட்​டையில் இருந்த கறுப்புத்து​ளை என்ற டஞ்சனில் அ​டைத்து ​வைத்தார். ​மேலும் ​கொல்கத்தா ந​க​ரையும் ஆங்கி​லேயரு​டைய ​தொழிற்சா​லைக​ளையும் உத்​தெளவ்லாவின் ப​டை சூ​றையாடியது. இதனால் ​கோபமுற்ற ஆங்கி​லேயர் ​பெரும்ப​டை திரட்டி சிராஜ் உத்​தெளலா மீது ஏவினர். ஆங்கிலப் ப​டைக்குக் கி​ளைவ் த​லை​மை​யேற்றிருந்தான். கப்பற் ப​டைக்கு வாட்சன் என்பவன் த​லை​மை தாங்கி வந்தான்.



வங்காளப் ​போர்

ஆங்கி​லேயர்கள் ப​டை​யெடுத்து வந்த​தை அறிந்த சிராஜ் உத்​தெளலா ஆற்றல் வாய்ந்த ப​டை​யொன்​றைத் திரட்டினார். அத​னை அறிந்த இராபர்ட் கி​ளைவ் அப்ப​டைக​ளைச் சமாளிக்க முடியாது என்று கருதினான். ஏ​னெனில் கிழக்கிந்திய கம்​பெனியிடம் அப்​போது 3000 ப​டை வீரர்கள் மட்டு​மே இருந்தனர். நாவாப்பின் ப​டைக்கு மீர்ஜாஃபர் தளபதியாக இருந்தான். வங்காளப் ​போர் மும்முரமாக ந​டை​பெற்றது. இந்தப் ​போ​ரை வரலாற்று அறிஞர்கள் பிளாசிப் ​போர் என்று குறிப்பிடுகின்றனர். இப்​போரில் ஆங்கி​லேயர்கள் சிராஜ் உத்​​தெளலாவின் தாக்குத​லை எதிர்​கொள்ள முடியாமல் திணறினர். சிராஜ் உத்​தெளலா​வை எப்படியாவது ஒழித்துக் கட்டிவிட ​வேண்டும் என்று ஆங்கி​லேயர்கள் கங்கணம் கட்டிக் ​கொண்டு குறுக்கு வழி​யை நாடினர். அதற்கான வழிகளில் இராபர்ட் கி​ளைவ் மும்முரமாக ஈடுபட்டான்.

து​ரோகி மீர்ஜாஃபார்

கி​ளைவ் நவாப்பின் ப​டைத்தளபதிக்கு ஆ​சை வ​லை விரித்தான். தளபதி மீர்ஜாஃபர் கி​ளைவ் விரித்த வ​​லையில் வீழ்ந்தான். மீர்ஜாஃபர் ​பேரா​சை பிடித்தவன். தான் எவ்வா​றேனும் பதவி​யை அனுபவிக்க ​வேண்டும் என்று அவன் துடித்தான். அதற்​கேற்றாற் ​போன்று கி​ளைவ் அவனுக்கு நி​றையப் பணத்​தைக் ​கொடுத்தான். கி​ளைவின் வ​லையில் வீழ்ந்த மீர்ஜாஃபர் தன்​னோடு யார்லுதுஃப் கான், ஓமிச்சந்த் ஆகிய து​ணைத் தளபதிக​ளையும் உடன் அ​ழைத்து வந்தான். கி​ளைவ் இவர்களுடன் இரகசியமாக ஒப்பந்தம் ​செய்து ​கொண்டான்.

கி​ளைவ் நவாப் முகாமிட்டிருந்த இடத்​தை யாரும் எதிர்பாராத நி​லையில் தாக்குதல் நடத்திட ​வேண்டும் என்று திட்டமிட்டான். அவனது திட்டம் நி​றை​வேறும் வ​கையில் பனிமூட்டம் ஏற்பட்டது. அதனால் தன்​னை எதிர்த்து வந்த ஆங்கி​லேயப் ப​டை​யை நவாப் ப​டையால் எதிர்த்துத் தாக்க முடியவில்​லை. அதனால் சிராஜின் ப​டை பின்வாங்கியது.

ஆங்கி​லேயப் ப​டை நாற்புறங்களிலும் நிறுத்தி ​வைக்கப்பட்டன. இப்​போரில் ஆங்கி​லேயப் ப​டை​யைச் ​சேர்ந்தவர்கள் அதிகமாகக் ​கொல்லப்படவில்​லை. ​கி​ளைவ் பனிமூட்டத்​தைப் பயன்படுத்திக் ​கொண்டு கடு​மையான தாக்குதலில் ஈடுபட்டான். இதனால் நாவப்பின் ப​டைக்கு அதிக ​சேதம் ஏற்பட்டது. ​சேதத்​தைத் தடுப்பதற்காக நவாப் ஆங்கி​லேயருடன் அலிநகர் ஒப்பந்தம் ஒன்​றை ​செய்து ​கொண்டார். இதனால் ஒப்பந்தத்தின்படி நவாப்பின் ப​டை மூர்சிதாபாத்திற்குத் திரும்பியது.



சதி​வே​லையில் ஈடுபட்ட சதிகாரன்

இந்நி​லையில் சிராஜின் அரண்ம​னையில் ஆங்கி​லேயக் கம்​பெனியாருடன் வணிகம் ​செய்து வந்தவர்கள் ஆங்கி​லேயருடன் தாங்கள் வணிகத் ​தொடர்பு ​வைத்திருப்பதால் சிராஜ் நம்​மைக் ​கொன்றுவிடுவா​னோ என்று அஞ்சினார்கள். அ​தோடு மட்டுமல்லாமல் மீர்ஜாஃபர் படைவீரர்களுக்கு சம்பளம் ​கொடுக்காது காலந் தாழ்த்தினான். இதனால் ப​டைவீரர்கள் ​கொதிப்ப​டைந்திருந்தனர். இவ்விரண்டு தகவல்க​ளையும் இராபர்ட் கி​ளைவிடம் கிழக்கிந்தியக் கம்​பெனி​யைச் சார்ந்த வில்லியம் வார்ட்ஸ் என்பவன் கூறினான்.

இத​னைச் சாதகமாக்கி சிராஜ் உத்​தெளலா​வை வீழ்த்த நி​னைத்தான் கி​ளைவ். வங்காள நவாப் நீதான் என்று மீர்ஜாஃபாரிடம் ஆ​சை காட்டினான் கி​ளைவ். இதனால் மகிழ்ச்சிய​டைந்த மீர்ஜாஃபர் கி​ளைவின் சதி​வே​லைக்கு உடன்பட்டான். கி​ளைவ் கூறியது ​போன்​றே அவன் தனது ப​டையில் பாதி​யை ​கொல்க்கத்தாவிற்கும், மீதிப் பாதிப்ப​டை​யை சந்திர நகருக்கும் அனுப்பினான். தனக்கும் கி​ளைவ்விற்கும் ஏற்பட்ட இரகசிய ஒப்பந்தத்​தை தனது கூட்டாளியான ஓமிச்சந்திடம் மீர்ஜாஃபர் கூறாது ம​றைத்தான். இத​னை அறிந்து ​கொண்ட ஓமிச்சந்த் மீர்ஜாஃபரிடம் தனக்கு முப்பது லட்சம் பவுண்ட் தந்தால்தான் அவனு​டைய சதிக்கு உடன்படுவதாகக் கூறி மிரட்டினான். இவ்வாறு ஓமிச்சந்த் கூறிய​தை மீர்ஜாஃபர் கி​ளைவ்விடம் கூறினான்.

​பெருந்​து​ரோகி கி​ளைவ்

ஓமிச்சந்தின் எண்ணத்​தை அறிந்த கி​ளைவ் ​து​ரோகிகளுக்​கே து​ரோகம் ​செய்யும் ​பெருந்து​ரோகச் ​செயலில் ஈடுபட்டான். தான் திட்டமிட்டபடி இரண்டு ஒப்பந்தங்க​ளைத் தயாரித்தான். ஒரு ஒப்பந்தம் ​வெள்​ளைத் தாளிலும் மற்​றொன்று சிவப்புத் தாளிலும் இருந்தது. ​வெள்​ளைத் தாளில் இருந்த​தை ஓமிச்சந்த் பற்றி எதுவும் குறிப்பிடப்படாம​லே​யே தயாரிக்கப்பட்டது. சிவப்புத்தாளில் உள்ளதில் மட்டு​மே ஓமிச்சந்தின் பங்கு குறித்து குறிப்பிடப்பட்டது.

அதிலும் கடற்ப​டைத் தளபதி ​வெள்​ளைத் தாளில் மட்டு​மே ​கை​யொப்பமிட்டான். சிவப்புத் தாளில் அவனது ​கை​​யொப்பம் ஏமாற்றி இடப்பட்டது. இவ்வாறு தான் பிற​ரை ஏமாற்றி ஒப்பந்தம் தயாரித்த​தை இங்கிலாந்தில் விசார​ணை நடந்த​போது மக்கள் ச​பையின் முன்பு கி​ளைவ் ஒப்புக் ​கொண்டான் என்பது குறிப்பிடத்தக்கது.

இவ்வாறு அ​னைத்து ஏமாற்று ​வே​லைக​ளையும் ​செய்து முடித்த களிப்பில் 1757-ஆம் ஆண்டு ஜூன் மாதம் 14-ஆம் ​தேதியன்று ​போருக்கான அறிவிப்​பை சிராஜ் உத்​தெளலாவிடம் கி​ளைவ் ​தெரிவித்தான். சிராஜ் உத்​தெளலா மீர்ஜாஃபர் தனக்குத் து​ரோகம் ​செய்துவிடுவான் என்பதை ஊகித்து அவனிடம் ஆங்கி​லேயருடன் எந்தநி​லையிலும் ​சேரக்கூடாது என்று கூறி சத்தியம் வாங்கினார். அதன் பின்னர் ​போரிடுவதற்காக அ​னைத்துப் ப​டைக​ளையும் பிளாசி என்ற இடத்திற்குச் ​செல்ல உத்தரவிட்டார். ஆனால் நவாப்பின் உத்தர​வைப் ப​டை வீரர்கள் ​கேட்கவில்​லை. ப​டைவீரர்களின் சம்பளத்தில் மீர்ஜாஃபர் ​செய்த சதி​ வே​லையால் ​மொத்தப் பணத்​தையும் தந்தால் மட்டு​மே பிளாசிக்குச் ​செல்​வோம் என்று கூறி ​போருக்குச் ​செல்ல மறுத்தனர். நவாப்பிற்கு ஒத்து​ழைக்கவும் அவர்கள் மறுத்தனர். அதனால் ஜூன் 21-ஆம் நாள்தான் பிளாசிக்கு நவாப்பின் ப​டை ​சென்று ​சேர்ந்தது.

இதனி​டை​யே மீர்ஜாஃபர் தனது ஒப்பந்தத்தின்படி நடப்பதாக கி​ளைவ்விற்கு இரகசியமாகச் ​செய்தி​யை அனுப்பினான். அச்​செய்தி​யைப் ​பெற்றுக் ​கொண்ட கி​ளைவ் மற்றவர்களுடன் கலந்தா​லோசித்து ஆங்கி​லேயப் ப​டை​யை பிளா​சி​யை ​நோக்கி நடத்தினான்.


சதிகாரனுடன் இ​ணைந்த இயற்​கை

போர் ​​தொடங்கியது. ​போர்க்களத்தில் மீர்ஜாஃபர் ஆங்கி​லேய​ரை எதிர்த்து எந்தவிதமான எதிர்ப்பும் காட்டாது வாளாவிருந்தான். மூன்று மணி​நேரம் சண்​டை நடந்தும் ஒருவித முன்​னேற்றமும் காணப்படவில்​லை. இந்​நேரத்தில் திடீ​ரென்று கடு​மையான புயல்ம​ழை ​பொழிய ஆரம்பித்தது. ஆங்கி​லேயர்கள் தார்ப்பாய்க​ளைப் பயன்படுத்தி தங்களின் ​வெடிமருந்து ம​ழையில் ந​னைந்து ​போகாமல் பாதுகாத்தனர். ஆனால் நாவாப்பிடம் அது​போன்ற தார்ப்பாய்கள் இல்லாததால் ​வெடிமருந்து அ​னைத்தும் ம​ழையில் ந​னைந்து பயன்படாமல் ​போயிற்று. ம​ழை​யைப் பயன்படுத்தி கி​ளைவின் பீரங்கிப் ப​டை ​தொடர்ந்து நவாப்பின் ப​டைக​ளை ​நோக்கிக் குண்டும​​ழை ​பொழிந்தது. இதனால் நவாபின் ப​டைகள் அழியத் ​தொடங்கின. கி​ளைவின் பீரங்கிக் குண்டு பாய்ந்து நவாப்பிற்கு உறுது​ணையாக இருந்த மீர்மதன்கான் என்ற வீரமிக்க தளபதி படுகாயம​டைந்து வீழ்ந்தான்.

இந்தச் ​செய்தி சிராஜ் உத்​தெளலா​வை நி​லைகு​லைய ​வைத்தது. சிராஜ் உத்​தெளலா தனது த​லைப்பா​கை​யைக் கீ​ழே ​போட்டுவிட்டு அத​னைக் காப்பற்றிக் ​கொடுக்குமாறு மீர்ஜாஃப​ரை ​வேண்டினார். அவ​னோ நவாப்பின் கட்ட​ளைக்கு ஒத்து​ழைப்​பதைப் ​போன்று நடித்தா​னே தவிர, அ​தைச் ​செய்யவில்​லை. அப்​போது கூட​வே இருந்த மற்​றொரு சதிகாரன் நவாப்​பை மூர்சிதாபாத்திற்குத் திரும்பிப் ​போனால் நல்லது என்று கூறினான். அச்சதிகாரர்களின் கூற்றினடிப்ப​டையில் சிராஜ் உத்​தெளலா ஒட்டகம் ஒன்றின் மீது ஏறிக் ​கொண்டு மூர்சிதாபாத்திற்குத் திரும்பிச் ​சென்றார்.

மீர்ஜாஃபர் ​போரில் ஒத்து​ழைக்காததால் நவாப்பின் ப​டை ​தோல்வியுற்றது. இந்நி​லையில் ஜூன் மாதம் 23-ஆம் நாள் கி​ளை​வைச் சந்திப்பதாகக் கூறி ஒரு கடிதத்​தை மீர்ஜாஃபர் அனுப்பினான். அதற்கு அடுத்த நாள் இரு து​ரோகிகளும் சந்தித்துக் ​கொண்டார்கள். வங்காள நவாப் அவர்க​ளே வருக வருக என்று சதிகாரன் மீர்ஜாஃப​ரை வணங்கி வர​வேற்றான் ​பெருந்து​ரோகி கி​ளைவ். து​ரோகிகள் ஒன்றி​ணைந்தார்கள். அங்கு தர்மம் த​ரையில் ​போடப்பட்டு ​தேய்த்தழிக்கப்பட்டது.


சிராஜ் உத்​தெளலாவின் முடிவு

பெருந்து​ரோகியுடன் கூட்டுச் ​சேர்ந்த மீர்ஜாஃபர் மூர்சிதாபாத்திற்குத் தப்பிச் ​சென்ற சிராஜ் உத்​தெளலா​வைத் தடுத்து நிறுத்தி அவரது கஜானா​வைக் ​கொள்​ளையடிக்க கி​ளைவிற்கு ஆ​லோச​னை கூறினான். மீர்ஜாஃபரின் து​ரோகத்தால் ​தோல்விய​டைந்து திரும்பிய சிராஜ் உத்​தெளலா எதிரிகளிடம் இருந்து தப்பிப்பதற்காக மாறு​வேடத்தில் ​சென்றார். அவ்வாறு மாறு​வேடத்தில் ​சென்ற நவாப் ராஜ்மஹல் என்ற இடத்தில் அ​டைக்கலம் புகுந்தார்.

ஆனால் விதி யா​ரை விட்டது? வீரரான நவாப்​பை மீர்ஜாஃபரின் உடன் பிறந்த ச​கோதரன் காட்டிக் ​கொடுத்தான். எதிரிகளின் வஞ்சகத்தாலும் து​​ரோகிகளின் து​ரோகத்தாலும் சிக்கிக் ​கொண்ட நவாப் சிராஜ் உத்​தெளலா​வை மீர்ஜாஃபரின் மகன் மீரான் சாகடித்தான். து​ரோகிகளின் சதித்திட்டம் ​வென்றது. இந்தியாவில் ஆங்கி​லேய ஆட்சி ​வேர்விட மீர்ஜாஃபர் என்ற து​ரோகத்தின் அ​டையாளம் வழி​கோலியது.

இத்த​கைய இழிவான ​வெற்றி​யைப் ​பெற்ற ஆங்கி​லேயர்கள் தாங்கள் பிளாசிப்​போரில் வீரத்​​தைக் காட்டி ​வென்றதாக ​பொய்யாக எழுதினர். து​ரோகிகளால் இந்தியா அடி​மைத் த​ளையில் கட்டுண்டது. நயவஞ்சகர்கள் நமது இந்தியா​வை நாசஞ் ​செய்தனர். தனக்கு விசுவாசமாக இருந்த மீர்ஜாஃப​ரை கி​ளைவ் ​பொம்​மை நவாப்பாக்கினான்.

து​ரோகத்தின் அ​டையாளம்

பொம்​மை நவாப்பாக இருந்த து​ரோகி மீர்ஜாஃபரின் ​வெற்றி அதிக நாள் நீடிக்கவில்​லை. அவன் அதிகமான லஞ்சப் பணத்​தை இராபர்ட் கி​ளைவிற்கும் வாட்ஸ்க்கும் ​கொட்டிக் ​கொடுத்தான். அவ்வாறு ​கொட்டிக் ​கொடுத்தும் கி​ளைவின் எதிர்பார்ப்​பை மீர்ஜாஃபரால் நி​றை​வேற்ற முடியவில்​லை. ஆங்கி​லேயர் தங்களுக்கு உடந்​தையாக இருந்த மீர்ஜாஃப​ரை ஒழித்துக் கட்டும் ​வே​லையில் ஈடுபட்டனர்.

இத​னை அறிந்த மீர்ஜாஃபர் தன்​னையும் தனக்குக் கி​டைத்த நவாப் பதவி​யையும் காப்பாற்றிக் ​கொள்வதற்காக டச்சுக்காரர்களின் உதவி​யை நாடினான். அவர்களும் அவனுக்கு உதவி ​செய்வதற்காகப் ப​டைக​ளை அனுப்பினர். அவ்வாறு அனுப்பப்பட்ட ப​டைகளின் உதவியுடன் மீர்ஜாபர் ​போரிட்டுத் ​தோற்றான்.


குள்ளநரித் தந்திரத்தில் ​கை​தேர்ந்தவர்களான ஆங்கி​லேயர்கள் தங்களுக்கு உதவிய து​ரோகியின் க​தை​யை முடிக்க மீர்ஜாஃபரின் மருமகன் மீர்காசி​னைப் ​பேருக்கு நவாப்பாக்கினர். ஆனால் அவ​னோ ​பொம்​மை நவாப்பாக இருக்கச் சம்மதிக்கவில்​லை. இத​னை அறிந்த மீர்ஜாஃபர் ஆங்கி​லேய​ரின் கால்களில் விழுந்து அவர்க​ளின் கால்க​ளைக் கழுவிக் குடித்து மீண்டும் நவாப்பானான். இவ்வாறு ​பதவி ​வெறிபிடித்த மீர்ஜாஃபர் ஆங்கி​லேயரின் அடிவருடியாக இருந்து இறுதியில் 1765-ஆம் ஆண்டில் மடிந்து ​போனான்.

கருங்காலியாக இருந்த ஜாஃப​ரை இன்றும் வரலாறு தூற்றிக் ​கொண்​டே இருக்கிறது. வீரர்கள் வீழ்த்தப்படலாம். ஆனால் அவர்கள் வீழ்வதில்​லை. மாறாக வி​தைக்கப்படுகிறார்கள். து​ரோகிகள் எப்​போதும் ​செத்துக் ​கொண்​டே இருக்கிறார்கள். அவர்கள் தூற்றப்பட்டுக் ​கொண்​டே இருக்கிறார்கள். இன்றும் வங்காளத்தில் மீர்ஜாஃப​ரை து​ரோகத்தின் அ​டையாளமாக​வே மக்கள் கருதுகிறார்கள்.

அ​னைத்துப் பாவங்களுக்கும் கழுவாய் உண்டு; ஆனால் நன்றி​கெட்ட து​ரோகத்திற்குக் கழுவா​யே இல்​லை. நண்பர்களுக்குத் து​ரோகம் ​செய்பவனும், நன்றி மறந்து தன்​னை நம்பியவர்களுக்குத் து​ரோகம் ​செய்பவனும் மீளா நரகத்​தை அ​டைவார்கள். அத்த​கைய நரகத்​தைத்தான் மீர்ஜாஃபர் அ​டைந்தான். மீர்ஜாஃப​ர் என்ற ​பெய​ரை​ வங்காளத்தில் வாழும் மக்கள் யாரும் தங்கள் குழ​ந்தைகளுக்கு ஒரு​போதும் ​வைப்பதில்​லை. சிராஜ் உத்​தெளலாவின் வீரம் இன்றும் மக்களால் ​பேசப்பட்டுக் ​கொண்​டே இருக்கிறது. அவர் வரலாற்றின் ஏடுகளிலும் மக்களின் எண்ணங்களிலும் வாழ்ந்து ​கொண்டுதானிருக்கிறார்.

இப்பொழுது ​தெரிகிறதா? ​தனக்கு வாழ்வளித்த நவாப்​பை நன்றி மறந்து ​கொல்வதற்குத் துணிந்த மீர்ஜாஃபர் மாதிரி எத்த​னையோ துரோகிகள் இன்றும் இருக்கிறார்கள். இவர்க​ளை நாம் அ​டையாளம் கண்டு அவர்களின் து​ரோகத்திலிருந்து தப்பி வாழ வேண்டும். ​பேராசைப் படுவதைத் தவிர்க்க வேண்டும். ​பேரா​சை அ​னைத்​தையும் அழித்துவிடும். து​ரோகத்திற்கும் து​ணை​போகும் என்பதை உணர்ந்து செயல்பட வேண்டும்.

இது போன்ற து​ரோகம் இந்தியாவின் வடக்​கேதான் நடந்தது என்று ​நினைக்காதீர்கள், நம் தங்கத் தமிழகத்திலும் இது​ போன்று நடந்துள்ளது. அது இ​தை விடக் ​கொடூரம் நி​றைந்தது. ​இடம் மாறினாலும், மனிதர்களும் மனித மனங்களும், எண்ணங்களும் மாறாது என்பதுதான் உண்​மை...

நாயக்கர் ஆட்சி தமிழகத்தில் நடந்த காலம்... தஞ்​சை​யை ஆண்ட ஒருவரிடம் பணி ​செய்த ஒருவன் தனக்கு மந்திரி பதவி கி​டைக்கவில்​லை என்பதற்காக அந்த வம்ச​மே அழிவதற்கு து​ரோகியாக மாறினான். எப்படி, மது​ரை நாயக்கராட்சி து​ரோகத்தால் முடிவுக்கு வந்த​தோ அதே​ போன்று தஞ்​சை நாயக்கராட்சியும் ​வெங்கண்ணா என்பவன் ​செய்த து​ரோகத்தினால் முடிவுக்கு வந்தது… யார் அந்த வெங்கண்ணா? அவன் செய்த துரோகம் என்ன? என்பதைத் தெரிந்து கொள்ள அடுத்த பகுதி வ​ரை காத்திருங்கள்...



இது முத்துக்கமலம் இணைய இதழின் படைப்பு.

இணைய பக்க முகவரி: http://www.muthukamalam.com/essay/serial/p6h.html


ISSN 2454 - 1990
சிறந்த நூலாசிரியர் பரிசு

மாண்புமிகு தமிழ்நாடு முதலமைச்சர் ஜெ. ஜெயலலிதா அவர்களிடமிருந்து ‘தமிழ் விக்கிப்பீடியா’ எனும் நூலுக்காகத் தமிழ்நாடு அரசின் தமிழ் வளர்ச்சித் துறையின் சிறந்த நூலாசிரியருக்கான பரிசு மற்றும் பாராட்டுச் சான்றிதழினைப் பெறுகிறார் தேனி மு. சுப்பிரமணி (13-04-2012)



வலையொளிப் பதிவுகள்
  பெரியார் சொல்லும் திராவிடத் திருமணங்கள்

  எம்.ஜி.ஆர் நடித்த திரைப்படங்கள்

  சைனிக் பள்ளி சேர்க்கைக்கான நுழைவுத்தேர்வு

  கௌரவர்கள் யார்? யார்?

  தமிழ் ஆண்டுப் பெயர்கள்

  பிள்ளையார் சுழி வந்தது எப்படி?

  வருவது போவது, வந்தால் போகாது, போனால் வராது...?

  பண்டைய படைப் பெயர்கள்

  ஸ்ரீ அன்னை உணர்த்திய மலர்கள்

  மாணவன் எப்படி இருக்க வேண்டும்?

  மரம் என்பதன் பொருள் என்ன?

  நீதி சதகம் கூறும் நீதிகள்

  மூன்று மரங்களின் விருப்பங்கள்

  மனிதன் கற்றுக் கொள்ள வேண்டிய குணங்கள்

  மனிதனுக்குக் கிடைத்த கூடுதல் ஆயுட்காலம்

  யானை - சில சுவையான தகவல்கள்

  ஒரு இரவுக்குள் நாலு கோடி பாடல்

  புகழ்ச்சிக்குப் பின்னால் வருவது...?

  நான்கு வகை மனிதர்கள்

  தேனி எஸ். மாரியப்பன் சிரிப்புகள் - I

  மாபாவியோர் வாழும் மதுரை

  கிருபானந்த வாரியார் பொன்மொழிகள் - I

  தமிழ்நாட்டு மக்களுக்கு ஒன்னு வைக்க மறந்துட்டானே...?

  குபேரக் கடவுள் வழிபாட்டு முறை

  மூன்று வகை மனிதர்கள்

  உலக மகளிர் நாள் விழா - முத்துக்கமலம் உரை






வலைப்பூவில் முத்துக்கமலம் இணைக்க...



சிரிக்க சிரிக்க
எரிப்பதா? புதைப்பதா?
அறிவை வைக்க மறந்துட்டானே...!
செத்தும் செலவு வைப்பாள் காதலி!
வீரப்பலகாரம் தெரியுமா?
உங்களுக்கு ஒண்ணுமே இல்ல...!
இலையுதிர் காலம் வராது!
கண்ணதாசனின் நகைச்சுவைகள்
குறைச்சுத்தான் எடை போடறாரு...!
அவருக்கு ஒரு விவரமும் தெரியலடி!
குனிஞ்ச தலை நிமிராத பொண்ணு...?
இடத்தைக் காலி பண்ணுங்க...!
சொறி சிரங்குக்கு ஒரு பாடல்!
மாமியாரு பச்சைக்கிளி மாதிரி!
மாபாவியோர் வாழும் மதுரை
இளைய பெண்ணைக் கட்டித் தருவீங்களா?
ஸ்ரீரங்கத்து யானைக்கு நாமம்!
அகிலாவை அபின்னு கூப்பிடுறியே...?
ஆறு தலையுடன் தூங்க முடியுமா?
கவிஞரை விடக் கலைஞர்?
பேயைப் பார்க்க ஒரு வாய்ப்பு!
கடைசியாகக் கிடைத்த தகவல்!
மூன்றாம் தர ஆட்சி
பெயர்தான் கெட்டுப் போகிறது!
தபால்காரர் வேலை!
எலிக்கு ஊசி போட்டாச்சா?
சவ ஊர்வலத்தில் எப்படிப் போவது?
சம அளவு என்றால்...?
குறள் யாருக்காக...?
எலி திருமணம் செய்து கொண்டால்?
யாருக்கு உங்க ஓட்டு?
வரி செலுத்தாமல் ஏமாற்றுவது எப்படி?
கடவுளுக்குப் புரியவில்லை...?
முதலாளி... மூளையிருக்கா...?
குட்டிக்கதைகள்
எல்லாம் நன்மைக்கே...!
மனிதர்களது தகுதி அறிய...
உள்ளங்கைகளில் ஏன் முடி இல்லை?
இனிப்புப் பேச்சில் ஏமாறலாமா?
அழுது புலம்பி என்ன பயன்?
புகழ்ச்சிக்குப் பின்னால் வருவது...?
கடவுளைக் காண உதவும் கண்ணாடி
தகுதியில்லாதவருக்கு தந்த அடைக்கலம்
உயரத்தில் இருந்தால் மதிப்பு கிடைக்குமா?
ராமன் ராவணனிடம் கேட்ட அறிவுரை?
அழியப் போவதில் ஆசை வைக்கலாமா?
கழுதைக்குக் கிடைக்குமா வாய்ப்பு?
எல்லாம் ஒரு கோவணத்துக்காக...!
சிங்கத்திற்கு வாழைப்பழம்!
வலை வீசிப் பிடித்த வேலை
சாவிலிருந்து தப்பிக்க என்ன வழி?
இறை வழிபாட்டிற்கு ஏற்ற வயது எது?
கல்லெறிந்தவனுக்கு பழமா?
சிவபெருமான் முன்பு காலை நீட்டலாமா?
வீண் புகழ்ச்சிக்கு ஆசைப்படலாமா?
ராமன் எப்படி ராமச்சந்திரன் ஆனார்?
அக்காவை மணந்த ஏழை?
சிவபெருமான் செய்த பாகப்பிரிவினை!
இராமன் சாப்பாட்டு இராமனா?
சொர்க்கத்திற்குள் நுழைய இலஞ்சம்
புண்ணிய நதிகளில் நீராடினால் போதுமா?
பயமிருப்பவன் வாழ்வில் முன்னேற முடியுமா?
தகுதி இல்லாமல் தம்பட்டம் அடித்துக் கொள்ளலாமா?
கழுதையின் புத்திசாலித்தனம்
விற்ற மரத்தைத் திருப்பிக் கேட்கலாமா?
தலைமை ஒன்றுக்கு அதிகமாக இருக்கலாமா?
சொர்க்கமும் நரகமும் எப்படிக் கிடைக்கின்றன?
திரிசங்கு சுவர்க்கம் என்று ஏன் சொல்கிறார்கள்?
புத்திசாலி வாயைத் திறக்கலாமா?
இறைவன் தப்புக் கணக்கு போடுவானா?
ஆணவத்தால் வந்த அழிவு!
சொர்க்கத்துக்கான நுழைவுச்சீட்டு
சொர்க்க வாசல் திறக்குமா...?
வழுக்கைத் தலைக்கு மருந்து
மனைவிக்குப் பயப்படாதவர்
சிங்கக்கறி வேண்டுமா...?
வேட்டைநாயின் வருத்தம்
ஆன்மிகம் - இந்து சமயம்
ஆலயத்தினுள் கடைப்பிடிக்க வேண்டிய விதிகள்
தானம் செய்வதால் வரும் பலன்கள்
முருகனுக்கு காவடி எடுப்பது ஏன் தெரியுமா?
பிரதோஷம் எப்படி விஷேசமானது?
விநாயகர் சில சுவையான தகவல்கள்
சிவராத்திரி விஷேசமானது ஏன்?
முருகனுக்கு ஏன் இத்தனை பெயர்கள்?
தமிழகத்திலுள்ள நவ கைலாயங்கள்
கேரளாவின் 108 துர்க்கை கோயில்கள்
எப்படி வந்தது தீபாவளி?
தசரதனுக்கு ஏன் நான்கு பிள்ளைகள்?
ஸ்ரீ கிருஷ்ணன் பூமியில் வாழ்ந்த காலம் எவ்வளவு?
ஆலயத்திற்குச் சென்று வழிபடுவது அவசியமா?
அனுமனுக்கு வடை மாலை ஏன்?
திருநீறு எங்கெல்லாம் பூசலாம்?
விநாயகருக்கு முதல் மரியாதை ஏன்?
கீதை சொல்லும் சொல்லக்கூடாத விசயங்கள்
சிவபெருமானின் 64 திருக்கோலங்கள்
முருகா என்றால் என்ன கிடைக்கும்?
குரு சீடனை ஏற்கும் தீட்சை முறைகள்
விபூதியின் தத்துவம்
கோயில்களில் பாலியல் சிற்பங்கள் ஏன்?
தீபாவளியன்று என்ன செய்ய வேண்டும்?
கிருஷ்ணர் கண்ணை மூடிக் கொண்டது ஏன்?
இறைவன் ஆடிய நடனங்கள்
யாரை வணங்கலாம்? யாரை வணங்கக் கூடாது?
செய்யக்கூடியதும் செய்யக்கூடாததும்
கணவனைக் காக்கும் சாவித்திரி நோன்பு
விநாயகர் வழிபாட்டுக்கான இலைகள்

தேனி மு. சுப்பிரமணி எழுதிய நூல்கள்

                                      


இங்குள்ள படைப்புகளை வணிக நோக்கமின்றி “படைப்பாளர் பெயர் மற்றும் நன்றி: முத்துக்கமலம் இணைய இதழ்” என்று குறிப்பிட்டுப் பகிர்ந்து கொள்ளலாம்
Creative Commons License
This work is licensed under a Creative Commons Attribution-NonCommercial-ShareAlike 4.0 International License