Welcome to Muthukamalam Tamil Web Magazine...! முத்துக்கமலம் இணைய இதழ் தங்களை அன்புடன் வரவேற்கிறது...!
                1-6-2006 முதல் இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!!            ISSN  2454-1990
muthukamalam muthukamalam
உங்கள் படைப்புகளை ஒருங்குறி எழுத்துருவில் (Unicode Font)தட்டச்சு செய்து msmuthukamalam@gmail.com எனும் மின்னஞ்சலுக்கு அனுப்பி வைக்கலாம் - ஆசிரியர்.

முத்து: 14 கமலம்: 4
உள்ளடக்கம்

சமையல்

Alexa Rank


பார்வையாளர்கள்
(04-12-2008 முதல்)


கட்டுரைத் தொடர்
கட்டுரைத் தொடர் -6

வரலாற்றில் து​ரோகங்களும் து​ரோகிகளும்

முனைவர் சி. சேதுராமன்


12. சமையல்காரன் செய்த து​ரோகம்​

தனக்கு இலாபம் வருகிறது என்று தெரிந்து கொண்டாலே போதும். அவர்கள் எந்தத் துரோகத்தையும் செய்யத் துணிந்து விடுகிறார்கள். இவர்கள் துரோகம் செய்யக் கூடியவர்கள், இவர்கள் துரோகம் செய்ய மாட்டார்கள் என்று யாரையும் நாம் கணித்து விட முடியாது. எந்த ​நேரத்தில், எப்படி மாறுவார்கள் என்று எவரையும் எண்ணிப் பார்க்க முடியாது. தனக்குத் தேவையானது கிடைக்கும் என்று சொன்னாலே, மனிதன் எதையும் செய்யத் தயாராகி விடுகிறான். அவனுக்கு அவன் ​செய்வது து​ரோகமாகத் தெரியாது... அது அவன் வாழ்க்கையின் முன்னேற்றமாகத் தெரிகிறது. தன்​னோட வாழ்க்​கை​யை வளமாக்கிக் ​கொள்ளப் பிற​ரை நம்ப ​வைத்துக் கழுத்தறுக்கும் ​செயலில் முழு மூச்சாக மனிதர்கள் இறங்கி விடுகிறார்கள்.

அவர்களுக்குத் தாங்கள் ​செய்வது பாவச் செயலாகத் ​தெரிவதில்​லை. அத​னைத் தங்களின் தீரச் ​செயலாக நினைத்துக் கொள்கிறார்கள். முடிவில் அவர்க​ள் அந்த வஞ்ச​னையினாலேயே அனைத்​தையும் இழந்து உயி​ரையும் விடுகிறார்கள். பஞ்சதந்திரக் க​தைகளில் ஒரு க​தை நி​னைவுக்கு வருகிறது...

ஒரு குளத்தில் நி​றைய மீன்கள் வாழ்ந்து கொண்டு இருந்தன. அந்தக் குளத்தில் ஒரு நண்டும் இருந்தது. நண்டும் மீன்களும் நல்ல நண்பர்களாக இருந்தனர். அந்தக் குளத்துக்கு ஒரு ​பெரிய ​கொக்கு ஒன்று வந்தது. அந்தக் கொக்கு அங்கிருக்கும் சிறு சிறு பூச்சிகளையும் ​​பெரண்​டைக் குஞ்சுக​ளையும் தின்று போய்க் கொண்டிருந்தது.

அந்தக் ​கொக்குக்கு திடீரென்று ஒரு ஆ​சை. எப்படியாவது இந்தக் குளத்தில் இருக்கிற மீன்களைப் பிடித்துத் தின்று விட வேண்டுமென்கிற அந்த ஆசை நிறைவேற முடியாமல் தவித்துக் கொண்டிருந்தது. அந்தக் குளத்திலிருக்கும் மீன்களுக்கு நண்பர்களாக இருக்கிற நண்டு அந்த மீன்களைக் ​கொக்குப் பிடித்துத் தின்னமுடியாமல் ​செய்து கொண்டிருந்தது. ​கொக்கு எப்படியாவது இந்த மீன்களையும் நண்​டையும் ஏமாற்றிக் கொன்று தின்று விடவேண்டுமென்று நினைத்தது. அதற்காக தனித் திட்டம் ஒன்றையும் தீட்டியது.

ஒரு நாள் கொக்கு நண்டைப் பாத்து, “இந்தக் குளத்தில் இருக்கிற மீன்களைப் பிடிக்கப் ​போவதாக இந்த ஊரில் இருப்பவர்கள் பேசிக் கொள்கிறார்கள்... பாவம் இந்த மீன்க​ளெல்லாம் இந்த ஊர்க்காரர்களின் உணவாகப் ​போகிறது...” என்று ​சொன்னது.

இதைக் ​கேட்டதும் நண்டும் சின்ன மீன்களும் மிகவும் பயந்து ​போயின. உட​னே அந்த நண்டு, “நீ உண்​மையைத்தான் ​சொல்கிறாயா… இல்லை, இந்த மீன்களைக் ​கொல்வதற்கான வழியைத் ​தேடுகிறாயா...?” என்று கேட்டது.

அதற்கு அந்தக் ​கொக்கு அப்பாவியாக முகத்தை வைத்துக் கொண்டு, “சத்தியமாக... உண்​மையைத்தான் ​சொல்கி​றேன்... இந்த ஊர்க்காரர்கள் நேற்று பேசிக் கொண்டிருந்ததை என் காதால் ​கேட்​டேன்... அதனால்தான் உன்னிடம் அந்தத் தகவலைச் சொல்லி, மீன்களை எச்சரிக்கலாமென்று நினைத்தேன்...” என்று சொல்லிவிட்டுப் பறந்து போய் விட்டது.

நண்டுக்கும் கொக்கு சொன்னது உண்மையாக இருக்கும் என்பது போல் தோன்றியது.

மறுநாள், அந்தக் ​கொக்கு அந்தக் குளத்துக்கு வந்தது. அது நண்டைப் பார்த்து, “இந்த மீன்களைக் காப்பாற்ற என்ன முடிவு செய்திருக்கிறாய்?” என்று கேட்டது.

நண்டு, “இந்த மீன்களைக் காப்பாற்ற எனக்கு ஒரு வழியும் தோன்றவில்லை. நீயே நல்லதொரு யோசனையைச் சொல்” என்று கொக்கிடமே கேட்டது.

அந்தக் ​கொக்கு நயவஞ்சகமாக, நமக்கு நல்ல உணவு கி​டைக்கப் ​போகிறது என்று மனதுக்குள் நினைத்துக் கொண்டு, “இங்கிருந்து சென்றால் சிறிது தூரத்தில் ஒரு குளமிருக்கிறது. அந்தக் குளத்தில் தண்ணீர் நிறைய இருக்கிறது. அங்கு மீன்கள் அதிகமில்லை... நான் வேண்டுமானால், ஒவ்வொரு மீனாக இங்கிருந்து தூக்கிக் கொண்டு போய் அந்தக் குளத்தில் விட்டுவிட்டு வருகிறேன். நீ விருப்பப்பட்டால் உன்னைக் கூட முதலில் அங்கு கொண்டு போய் விடுகிறேன்” என்றது.

நண்டுக்கும் கொக்குவின் யோசனை நல்ல ​யோச​னையாகத் தோன்றியது. நண்டு தனது நண்பர்களான மீன்களிடம் கொக்குவின் யோசனையைத் தெரிவித்தது. மீன்களும் அந்த யோசனையை ஏற்றுக் கொண்டன.

மீன்கள் ஒவ்வொன்றாக வந்து நின்றன. கொக்கு ஒவ்வொரு மீனாகத் தூக்கிக் கொண்டு போய் ஆசை தீர சாப்பிட்டது. தன்னுடைய பசி தீரவும் மீதமிருந்த மீன்களை அடுத்த நாட்களில் சாப்பிட்டுக் கொள்ளலாம் என்று நினைத்தபடி அங்கிருந்த பாறை ஒன்றில் காயப் போட்டு வைத்தது.



கடைசியாக நண்டு மட்டும்தான் மிஞ்சியிருந்தது. கொக்கு மனதிற்குள் இந்த நண்டையும் கொன்று தின்று விட வேண்டும் என்று நினைத்துக் கொண்டது. கொக்கு அந்த நண்டைத் தூக்கிக் கொண்டு பறந்து ​போனது. அப்படிப் பறந்து போய்க் கொண்டிருந்த போது, கீழே பா​றையில் தன்னுடைய மீன் நண்பர்களைக் கொன்று பாறையில் காயப் போட்டிருந்ததைப் பார்த்தது. தானும் நண்பர்களும் கொக்கால் ஏமாற்றப்பட்டு விட்டோம் என்பதைத் தெரிந்து கொண்டது.

நண்டு தன்னையும், மீன் நண்பர்களையும் ஏமாற்றிய கொக்கைப் பலி வாங்கும் நோக்கத்துடன் கொக்குவிடம் பேசியபடி அதன் கழுத்தைத் தன் கால்கள் இறுக்கி நெறிக்கத் தொடங்கியது. கொக்கு நண்டுவின் பிடியிலிருந்து தப்பிக்க முடியாமல் இறந்து கிழே விழுந்தது.

நண்டுக்கும் மீன்களுக்கும் து​ரோகம் ​செய்த ​கொக்கு இறந்து ​போனது.

இந்தக் ​கொக்கு மாதிரி ஒரு சமையல்காரன் செய்த துரோகத்தால் மாவீரன் ஒருவன் தூக்கிலிடப்பட்டுக் கொல்லப்பட்டான். சமையல்காரன் செய்த துரோகத்தைப் பற்றிப் பார்ப்போமா...?

தீரன் சின்னம​லை

தமிழகத்தில் ​ஈ​ரோடு மாவட்டத்தில் உள்ள ​மேலப்பா​ளையம் என்னுமிடத்தில் 1756-ஆம் ஆண்டு பிறந்தவர் தீர்த்தகிரி. இளம் பருவம் முத​லே ​போர்க்க​லைகளில் வல்லவராகத் திகழ்ந்தார் தீர்த்தகிரி. தம் பகுதியில் இருக்கும் ஆயிரம் இ​ளைஞர்க​ளைத் திரட்டி ​கொங்குநாட்டில் ஒரு ப​டை​யை உருவாக்கி அவர்களுக்குப் ​போர்ப்பயிற்சி அளித்தார்.

​மைசூர் மன்னர் வரிவசூலிப்பதற்காகக் ​கொங்கு மண்டலத்திற்குப் ப​டைக​ளை அனுப்பி மக்களிடமிருந்து கட்டாயமாக வரிவசூலிக்கச் ​செய்தார். இதனால் மக்கள் அவலத்திற்கு உள்ளானார்கள். மக்கள் ​சின்னம​லையிடம் தங்களின் துன்பத்​தைத் ​தெரிவிக்க​வே, சின்னம​லை மக்களின் துன்பம் து​டைக்க தனது ப​டையுடன் புறப்பட்டுச் ​சென்று ​மைசூர் திவா​னையும் ப​டைத் தளபதி​யையும் தாக்கி அவர்களிடமிருந்த ​பொருள்க​ளைப் பறிமுதல் ​செய்தார்.

இதனால் சினமுற்ற ​மைசூர்ப் ப​டைத்தளபதி தனது ப​டைக​ளைக் ​கொண்டு சின்னம​லை​யைத் தாக்கினார். அப்​போது ப​டைத்தளபதியின் முன்னர் திடீ​ரெனத் ​தோன்றி ​நேருக்கு ​நேர் நாம் ​மோதலாம். என்னுடன் ​மோதுவதற்கு வாருங்கள் என்று கூற​வே அதிர்ச்சிய​டைந்த தளபதி நீ யார் எனக் ​கேட்க அதற்கு சின்னம​லை, “தீர்த்தகிரி ம​லைக்கும் சிவன் ம​லைக்கும் இ​டையில் நிற்கும் சின்னம​லை நான்தான்” எனக் கூறினார். இத​னைக் ​கேட்ட ​மைசூர்த் தளபதி மிரண்டு விட்டார்.

​மைசூர்த் தளபதி​யை மிக எளிதாக ​வென்றார் சின்னம​லை. சின்னம​லையிடமிருந்து ​மைசூர்த் தளபதியும் திவானும் தப்பித்து ​மைசூருக்கு ஓடினர். இதனால் ​கொங்கு மண்டலம் முழுவதும் சின்னம​லையின் புகழ் பரவியது. இவர் ​​பெற்ற ​வெற்றி இவ​ரைக் ​கொங்கு மண்டலத்தின் தளபதியாகவும் ஆட்சியாளராகவும் உயர்த்தியது. பா​ளையக்காரர் நி​லைக்கு உயர்ந்த தீர்த்தகிரிக் கவுண்டர் என்ற​​ழைக்கப்பட்ட இவர் ​மைசூர்த் தளபதி​யை ​வென்ற பிறகு தீரன் சின்னம​லை என்று அ​ழைக்கப்பட்டார்.



​ஆங்கிலேயர் எதிர்ப்பு

மைசூர் அரசர் ​ஹைதர் அலியின் ம​றைவிற்குப் பின்னர் அவரது மகன் திப்புசுல்தான் சின்னம​லையுடன் சுமுகமான உற​வைப் ​பேணினார். திப்புசுல்த்தான் சின்னம​லை​யைக் ​கொங்குநாட்டின் தளபதியாக அங்கீகரித்தார். திப்புசுல்த்தான் ஆங்கி​லேயர்களுடன் ​போரிட்ட​ போதெல்லாம் அவருக்குச் சின்னம​லை ப​டையுதவி ​செய்தார். அவருடன் ​சேர்ந்து ஆங்கி​லேய​ரை எதிர்த்தார்.

திப்புசுல்த்தானின் சித்​தேஸ்வரம் ​வெற்றிக்குச் சின்னம​லை உறுது​ணையாக இருந்தார். இப்​போரில் ​மேலப்பா​ளையம் ​கோட்​டை​யை ஆங்கி​லேயர்களிடமிருந்து ​கைப்பற்றிக் ​கொண்டார் சின்னம​லை. ஆங்கி​லேயரின் வஞ்ச​னையால் திப்புசுல்த்தான் வீரமரணம் அ​டைந்தார். அவரது ம​றைவிற்குப் பின்னர் ​கொங்குநாட்டின் சுதந்திரமான பா​ளையக்காரராக சின்னம​லை ஆட்சி ​செய்தார்.

சின்னம​லை ஓ​டைநி​லை என்ற இடத்தில் சிறிதாக ஒரு ​கோட்​டையி​னைக் கட்டி அதில் நிரந்தரமாகத் தங்கினார். 1801- 1802 ஆம் ஆண்டுகளில் நிகழ்ந்த பா​ளையக்காரர்களின் எழுச்சியில் சின்னம​லை முக்கியப் பங்காற்றினார். அப்​போது ஆங்கி​லேயருடன் ஏற்பட்ட ​போரில் மருதுபாண்டியருடனும், திண்டுக்கல் ​கோபாலநாயக்கருடனும், ​கேரளாவின் ​​கேரளவர்மா உள்ளிட்​டோருடன் இ​ணைந்து ​செயல்பட்டார். ​போரின் முடிவில் அ​னைத்துத் த​லைவர்களும் ​தோல்விய​டைந்த​ போது சின்னம​லையும் ​தோல்வி​யைத் தழுவினார்.

சின்னம​லை​யை அடக்குவதற்காக ஆங்கி​லேயர்கள் ​பெரும்ப​டை ​கொண்டு 1804-ஆம் ஆண்டு ஓ​டைநி​லைக் ​கோட்​டையி​னைத் தாக்கினர். ஆங்கி​லேயரின் கடும் தாக்குதலுக்கு அக்​கோட்​டையால் ஈடு​கொடுக்க முடியவில்​லை. ​​கோட்​டை இடிந்து வீழ்ந்தது. சின்னம​லை அக்​கோட்​டையிலிருந்து ​வெளி​யேறி பழனிம​லை​யை அடுத்துள்ள கரும​லைக் காட்டில் பதுங்கி இருந்து ஆங்கி​லேயர் மீது ​கொரில்லாத் தாக்குதல்க​ளைத் ​தொடர்ந்து நடத்தினார்.



சமையல்காரனின் துரோகம்

இதனால் ஆங்கி​லேயர் ப​டைகள் கடு​மையான பாதிப்புக்கு உள்ளாகியது. ஆங்கி​லேயர்கள் எவ்வா​றேனும் சின்னம​லை​யைக் ​கைது ​செய்துவிட ​வேண்டும் என்று மு​னைப்புடன் ​செயல்பட்டனர். சின்னம​லையின் அன்றாட நடவடிக்​கைக​ளை ஆங்கி​லேயர்கள் கண்காணிக்கத் ​தொடங்கினர்.

சின்னம​லை பகலில் ம​லைப்பகுதிகளில் ​கொரில்லாப் ​போரில் ஈடுபடுவதும் இரவில் ம​லை அடிவாரத்தில் உள்ள ஒரு வீட்டில் இரவு உணவு உண்டு உறங்குவதுமாக சின்னம​லை இருப்ப​தை ஒற்றர்கள் வாயிலாக அறிந்து ​கொண்டனர். சின்னம​லையின் விசுவாசமான ச​மையற்காரன் நல்லப்பன் என்பவன்தான் சின்னம​லைக்குச் ச​மையற்காரனாக இருந்து உணவு ச​மைத்துக் ​கொடுத்துவந்தான்.

ஆங்கி​லேயர்கள் தங்களது வஞ்சக வ​லையை விரித்தனர். அவர்களின் திட்டப்படி ச​மையல்காரனாகிய நல்லப்ப​னை வி​லைக்கு வாங்கும் முயற்சியில் ஈடுபட்டனர். நல்லப்பனுக்குப் பதவியும் பணமும் தருவதாகக் கூறினர். பணத்​தையும் பதவி​யையும் கண்ட நல்லப்பன் சின்னம​லையிடம் ​கொண்ட விசுவாசத்​தையும் மறந்து ஆங்கி​லேயர்களின் ​கைக்கூலியாக மாறினான்.

சின்னம​லை​யைக் ​கைது ​செய்ய நல்லப்பனுக்கு வஞ்சகமான ஒரு ​செயல்திட்டத்​தை வகுத்துக் ​கொடுத்தனர். அதன்படி ​செயல்படுவதாக நல்லப்பன் ஆங்கி​லேயருக்கு வாக்குக் ​கொடுத்தான்.


ஒருநாள் மா​லையில் இரவு உணவிற்காக சின்னம​லையும் அவரது ச​கோதரர்களும் வீடு வந்து ​சேர்ந்தனர். அப்​போது அங்கு வந்த நல்லப்பன் அ​னைவரும் உணவுண்ண வருமாறு அ​ழைத்தான். அவர்கள் உண்ண வரும்​போது, அவர்களின் ​தோள்களில் இருந்த துப்பாக்கிக​ளைக் கீ​ழே ​வைக்குமாறு கூறினான். இத​னைக் ​கேட்ட சின்னம​லை எதிரிகளிடமிருந்து பாதுகாத்துக் ​கொள்வதற்காக இந்தத் துப்பாக்கிகள் எங்களுட​னே​யே இருக்கட்டும் என்றார்.

அத​னைக் ​கேட்ட நல்லப்பன், “இந்த வீட்டில் நான் ச​மையல்காரனாக இருக்கும் வ​ரை எதிரிகள் யாரும் இங்கு நு​ழைய முடியாது. உணவு உண்ணும்​ போது உடலில் எ​தையும் தாங்கிப் பிடிப்பது உண்ணும் உணவிற்குச் சிறிதும் ​பொருத்தமானது அல்ல” என்று நயவஞ்சகமாக அன்புடன் ​பேசினான்.

அவனின் ​பேச்​சை நம்பிய சின்னம​லையும் அவரது ச​கோதரர்களும் துப்பாக்கிக​ளை வீட்டின் ஓரிடத்தில் ​வைத்துவிட்டு உணவு உண்பதற்காக அமர்ந்தனர். உணவு எடுப்பதற்காகச் ச​மையல் அ​​றையின் உள்​ளே ​சென்ற ச​மையல்காரன் வீட்டின் பின்பக்கக் கத​வைத் திறந்து அங்​கே பதுங்கி இருந்த ஆங்கி​லேயர்க​ளை அ​ழைத்து வந்தான்.

நி​லை​மை​யை உணராத நி​லையில் சின்னம​லை​யையும் அவரது ச​கோதரர்க​ளையும் ஆங்கி​லேயர்களின் ப​டைவீரர்கள் சூழ்ந்து ​கொண்டனர். நல்லப்பன் என்ற நயவஞ்சகனின் து​ரோகத்தின் வாயிலாகத் தாங்கள் எதிரிகளிடம் சிக்கிக் ​கொண்ட​தை அவர்கள் உணர்ந்தனர். இந்த நிலையிலும் சின்னம​லையின் ​வே​லையாள் ஆங்கி​லேயர்களிடம் இருந்து தப்பிவிட்டான்.

தூக்குத் தண்டனை

சின்னம​லையின் தம்பி ​கெளாதர் நல்லப்பன் மீது ​கோபமுற்று அவ​னைத் தாக்க​வே து​ரோகி நல்லப்பன் அங்​கே​யே இறந்து வீழ்ந்தான்.​ கைது ​செய்யப்பட்ட சின்னம​லையும் அவரது ச​கோதரர்கள் ​கெளாதர், தம்பி ஆகி​யோரும் சங்ககிரிக் ​கோட்​டையில் அ​டைக்கப்பட்டனர். ​​ஆங்கி​லேய அரசு ஜென​மேன், மார்வுல், ​ஹோர், ​பேக்ஹி ​கேர்ட் ஆகி​யோர் த​லை​மையில் விசார​ணைக் குழு​வை அ​மைத்து விசார​ணை​யை நடத்தியது. அப்​போது தப்பி​யோடிய கருப்பனும் ​கைது ​செய்யப்பட்டு விசார​ணைக்கு உள்ளாக்கப்பட்டான்.

​ கொங்கு நாட்டில் ஆங்கி​லேயர்களின் ஆதிக்கத்​தை ஏற்றுக் ​கொண்டால் விட்டுவிடுவதாக ஆங்கி​லேயர்கள் கூறினர். ​மேலும் வரித்​தொ​கையி​னையும் கு​றைத்துக் ​கொள்வதாகவும் மற்றவர்களிடமிருந்து பாதுகாப்பு தருவதாகவும், புதிய ​கோட்​டை​யைக் கட்டித் தருவதாகவும் ஆ​சை வார்த்​தைக​ளைக் கூறினர்.

சின்னம​லை ஆங்கி​லேயர்களின் ​கோரிக்​கைக​ளை ஏற்க மறுத்து நிராகரித்தார். ஆங்கி​லேயர்கள் சின்னம​லை, அவரது ச​கோதரர்கள், அவரது ​வே​லையாள் கருப்பன் ஆகிய நால்வருக்கும் தூக்குத் தண்ட​னை விதித்தனர்.


அதன்படி சங்ககிரிக் ​கோட​டையின் ​வெளி​யே உள்ள புளிய மரத்தில் 1805ஆம் ஆண்டு ஆகஸ்ட் 23ஆம் நாள் ஆடி பதி​னெட்டாம் நாளன்று சின்னம​லை​யையும் அவ​ரைச் சார்ந்​தோ​ரையும் தூக்கிலிட்டனர். அந்நால்வரும் தூக்குக் கயி​​றைக் கழுத்தில் மாட்டிக் ​கொண்டு புளியமரத்தில் இருந்து குதித்து இறந்தனர். நல்லப்பன் என்ற து​ரோகியால் மாவீரர்கள் மாண்டனர். அவர்கள் மாண்டாலும் அவர்களது தியாகம் மக்களின் மனதில் என்​றென்றும் நி​லைத்து நின்று நீங்காத இடத்​தைப் ​பெற்றுவிட்டது.

து​ரோகிகளுக்குத் தற்காலிக ​வெற்றி​யே கி​டைக்கும். அதுவும் நீர்க்குமிழி​போல் அழிந்துவிடும். து​ரோகிகள் து​ரோகத்தா​லே​யே வீழ்வர். து​ரோகம் சங்கிலித் ​தொடர் ​போன்றது. அந்தச் சங்கிலித் ​தொடரில் சிக்கிக் ​கொண்டவன் அதிலிருந்து மீளமுடியாது அதி​லே​யே மூழ்கி இறந்து விடுவான். அதனால் யா​ரையும் சுலபமாக நம்பிவிடக் கூடாது. கவனமா இருந்து ​செயல்பட வேண்டும்.

மிகப் ​பெரிய வீரர்கள் எச்சரிக்​கை​யோடு இல்லாவிட்டால் அவர்க​ளைப் பாராட்டுவ​தைப் ​போன்று கவிழ்த்து விடுவதற்கு அதிகமான ஆட்கள் காத்திருக்கிறார்கள். அதனால்தான் எப்​போது​மே எந்தத் தி​சையிலிருந்தும் நம்​மை வீழ்த்துவதற்கான முயற்சிகள் நடக்கலாம் என்று கருதி அ​னைவரது நடவடிக்​கைக​ளையும் மிகவும் ரகசியமாகக் கண்காணிப்பது அவசியம். நல்ல நண்பர்களாகத் ​தோன்றுபவர்கள் நல்லவர்களாக இருப்பதில்​லை. நயவஞ்சகர்களாக இருப்பர். அப்படித்தான் நண்பனாக இருந்து, நயவஞ்சகனா மாறிய ஒருவன் ஒரு மாபெரும் வீர​ரைக் காட்டிக் ​கொடுத்தான். அந்த வீரர் அந்த நண்பனின் நரித்தனத்​தை உணராமல் அவ​னை நம்பினார்... அவர் யார்...? அவ​ரைக் காட்டிக் ​கொடுத்த நயவஞ்சகமான து​ரோகி யார்...? என்று அறிந்து கொள்ள அடுத்த பகுதி வ​ரை காத்திருப்போம்...



இது முத்துக்கமலம் இணைய இதழின் படைப்பு.

இணைய பக்க முகவரி: http://www.muthukamalam.com/essay/serial/p6l.html


ISSN 2454 - 1990
சிறந்த நூலாசிரியர் பரிசு

மாண்புமிகு தமிழ்நாடு முதலமைச்சர் ஜெ. ஜெயலலிதா அவர்களிடமிருந்து ‘தமிழ் விக்கிப்பீடியா’ எனும் நூலுக்காகத் தமிழ்நாடு அரசின் தமிழ் வளர்ச்சித் துறையின் சிறந்த நூலாசிரியருக்கான பரிசு மற்றும் பாராட்டுச் சான்றிதழினைப் பெறுகிறார் தேனி மு. சுப்பிரமணி (13-04-2012)

வலையொளிப் பதிவுகள்
  பெரியார் சொல்லும் திராவிடத் திருமணங்கள்

  எம்.ஜி.ஆர் நடித்த திரைப்படங்கள்

  சைனிக் பள்ளி சேர்க்கைக்கான நுழைவுத்தேர்வு

  கௌரவர்கள் யார்? யார்?

  தமிழ் ஆண்டுப் பெயர்கள்

  பிள்ளையார் சுழி வந்தது எப்படி?

  வருவது போவது, வந்தால் போகாது, போனால் வராது...?

  பண்டைய படைப் பெயர்கள்

  ஸ்ரீ அன்னை உணர்த்திய மலர்கள்

  மாணவன் எப்படி இருக்க வேண்டும்?

  மரம் என்பதன் பொருள் என்ன?

  நீதி சதகம் கூறும் நீதிகள்

  மூன்று மரங்களின் விருப்பங்கள்

  மனிதன் கற்றுக் கொள்ள வேண்டிய குணங்கள்

  மனிதனுக்குக் கிடைத்த கூடுதல் ஆயுட்காலம்

  யானை - சில சுவையான தகவல்கள்

  ஒரு இரவுக்குள் நாலு கோடி பாடல்

  புகழ்ச்சிக்குப் பின்னால் வருவது...?

  நான்கு வகை மனிதர்கள்

  தேனி எஸ். மாரியப்பன் சிரிப்புகள் - I

  மாபாவியோர் வாழும் மதுரை

  கிருபானந்த வாரியார் பொன்மொழிகள் - I

  தமிழ்நாட்டு மக்களுக்கு ஒன்னு வைக்க மறந்துட்டானே...?

  குபேரக் கடவுள் வழிபாட்டு முறை

  மூன்று வகை மனிதர்கள்

  உலக மகளிர் நாள் விழா - முத்துக்கமலம் உரை






வலைப்பூவில் முத்துக்கமலம் இணைக்க...



சிரிக்க சிரிக்க
எரிப்பதா? புதைப்பதா?
அறிவை வைக்க மறந்துட்டானே...!
செத்தும் செலவு வைப்பாள் காதலி!
வீரப்பலகாரம் தெரியுமா?
உங்களுக்கு ஒண்ணுமே இல்ல...!
இலையுதிர் காலம் வராது!
கண்ணதாசனின் நகைச்சுவைகள்
குறைச்சுத்தான் எடை போடறாரு...!
அவருக்கு ஒரு விவரமும் தெரியலடி!
குனிஞ்ச தலை நிமிராத பொண்ணு...?
இடத்தைக் காலி பண்ணுங்க...!
சொறி சிரங்குக்கு ஒரு பாடல்!
மாமியாரு பச்சைக்கிளி மாதிரி!
மாபாவியோர் வாழும் மதுரை
இளைய பெண்ணைக் கட்டித் தருவீங்களா?
ஸ்ரீரங்கத்து யானைக்கு நாமம்!
அகிலாவை அபின்னு கூப்பிடுறியே...?
ஆறு தலையுடன் தூங்க முடியுமா?
கவிஞரை விடக் கலைஞர்?
பேயைப் பார்க்க ஒரு வாய்ப்பு!
கடைசியாகக் கிடைத்த தகவல்!
மூன்றாம் தர ஆட்சி
பெயர்தான் கெட்டுப் போகிறது!
தபால்காரர் வேலை!
எலிக்கு ஊசி போட்டாச்சா?
சவ ஊர்வலத்தில் எப்படிப் போவது?
சம அளவு என்றால்...?
குறள் யாருக்காக...?
எலி திருமணம் செய்து கொண்டால்?
யாருக்கு உங்க ஓட்டு?
வரி செலுத்தாமல் ஏமாற்றுவது எப்படி?
கடவுளுக்குப் புரியவில்லை...?
முதலாளி... மூளையிருக்கா...?
குட்டிக்கதைகள்
எல்லாம் நன்மைக்கே...!
மனிதர்களது தகுதி அறிய...
உள்ளங்கைகளில் ஏன் முடி இல்லை?
இனிப்புப் பேச்சில் ஏமாறலாமா?
அழுது புலம்பி என்ன பயன்?
புகழ்ச்சிக்குப் பின்னால் வருவது...?
கடவுளைக் காண உதவும் கண்ணாடி
தகுதியில்லாதவருக்கு தந்த அடைக்கலம்
உயரத்தில் இருந்தால் மதிப்பு கிடைக்குமா?
ராமன் ராவணனிடம் கேட்ட அறிவுரை?
அழியப் போவதில் ஆசை வைக்கலாமா?
கழுதைக்குக் கிடைக்குமா வாய்ப்பு?
எல்லாம் ஒரு கோவணத்துக்காக...!
சிங்கத்திற்கு வாழைப்பழம்!
வலை வீசிப் பிடித்த வேலை
சாவிலிருந்து தப்பிக்க என்ன வழி?
இறை வழிபாட்டிற்கு ஏற்ற வயது எது?
கல்லெறிந்தவனுக்கு பழமா?
சிவபெருமான் முன்பு காலை நீட்டலாமா?
வீண் புகழ்ச்சிக்கு ஆசைப்படலாமா?
ராமன் எப்படி ராமச்சந்திரன் ஆனார்?
அக்காவை மணந்த ஏழை?
சிவபெருமான் செய்த பாகப்பிரிவினை!
இராமன் சாப்பாட்டு இராமனா?
சொர்க்கத்திற்குள் நுழைய இலஞ்சம்
புண்ணிய நதிகளில் நீராடினால் போதுமா?
பயமிருப்பவன் வாழ்வில் முன்னேற முடியுமா?
தகுதி இல்லாமல் தம்பட்டம் அடித்துக் கொள்ளலாமா?
கழுதையின் புத்திசாலித்தனம்
விற்ற மரத்தைத் திருப்பிக் கேட்கலாமா?
தலைமை ஒன்றுக்கு அதிகமாக இருக்கலாமா?
சொர்க்கமும் நரகமும் எப்படிக் கிடைக்கின்றன?
திரிசங்கு சுவர்க்கம் என்று ஏன் சொல்கிறார்கள்?
புத்திசாலி வாயைத் திறக்கலாமா?
இறைவன் தப்புக் கணக்கு போடுவானா?
ஆணவத்தால் வந்த அழிவு!
சொர்க்கத்துக்கான நுழைவுச்சீட்டு
சொர்க்க வாசல் திறக்குமா...?
வழுக்கைத் தலைக்கு மருந்து
மனைவிக்குப் பயப்படாதவர்
சிங்கக்கறி வேண்டுமா...?
வேட்டைநாயின் வருத்தம்
ஆன்மிகம் - இந்து சமயம்
ஆலயத்தினுள் கடைப்பிடிக்க வேண்டிய விதிகள்
தானம் செய்வதால் வரும் பலன்கள்
முருகனுக்கு காவடி எடுப்பது ஏன் தெரியுமா?
பிரதோஷம் எப்படி விஷேசமானது?
விநாயகர் சில சுவையான தகவல்கள்
சிவராத்திரி விஷேசமானது ஏன்?
முருகனுக்கு ஏன் இத்தனை பெயர்கள்?
தமிழகத்திலுள்ள நவ கைலாயங்கள்
கேரளாவின் 108 துர்க்கை கோயில்கள்
எப்படி வந்தது தீபாவளி?
தசரதனுக்கு ஏன் நான்கு பிள்ளைகள்?
ஸ்ரீ கிருஷ்ணன் பூமியில் வாழ்ந்த காலம் எவ்வளவு?
ஆலயத்திற்குச் சென்று வழிபடுவது அவசியமா?
அனுமனுக்கு வடை மாலை ஏன்?
திருநீறு எங்கெல்லாம் பூசலாம்?
விநாயகருக்கு முதல் மரியாதை ஏன்?
கீதை சொல்லும் சொல்லக்கூடாத விசயங்கள்
சிவபெருமானின் 64 திருக்கோலங்கள்
முருகா என்றால் என்ன கிடைக்கும்?
குரு சீடனை ஏற்கும் தீட்சை முறைகள்
விபூதியின் தத்துவம்
கோயில்களில் பாலியல் சிற்பங்கள் ஏன்?
தீபாவளியன்று என்ன செய்ய வேண்டும்?
கிருஷ்ணர் கண்ணை மூடிக் கொண்டது ஏன்?
இறைவன் ஆடிய நடனங்கள்
யாரை வணங்கலாம்? யாரை வணங்கக் கூடாது?
செய்யக்கூடியதும் செய்யக்கூடாததும்
கணவனைக் காக்கும் சாவித்திரி நோன்பு
விநாயகர் வழிபாட்டுக்கான இலைகள்

தேனி மு. சுப்பிரமணி எழுதிய நூல்கள்

                                      


இங்குள்ள படைப்புகளை வணிக நோக்கமின்றி “படைப்பாளர் பெயர் மற்றும் நன்றி: முத்துக்கமலம் இணைய இதழ்” என்று குறிப்பிட்டுப் பகிர்ந்து கொள்ளலாம்
Creative Commons License
This work is licensed under a Creative Commons Attribution-NonCommercial-ShareAlike 4.0 International License