செயற்கைப் பல் கட்டுவதில்,

1. மரபு வழியிலான மற்றும் சிக்கன முறையில் செயற்கைப் பல் கட்டுதல்.

2. விலையுயர்ந்த நவீனமான செயற்கைப் பல் கட்டுதல்

என்று இரண்டு முறைகள் உள்ளன.

1. மரபு வழியிலான மற்றும் சிக்கன முறையில் செயற்கைப் பல் கட்டுதல்.

இவ்வகைச் செயற்கைப் பல்லுக்கு போர்சலின் அல்லது அக்ரிலிக் பயன்படுகிறது. பாரம்பரிய முறையில் பொருத்தப்படும் செயற்கைப் பற்கள், இயற்கைப் பல் அமைப்புடன் நூறு சதவீதம் ஒத்துப் போவதில்லை. இந்த வகைச் செயற்கைப் பற்கள் ஈறு திசுகளைப் பாதிக்கக்கூடும். பல் சுகாதாரம் சீர்கெடக் கூடும். சில வகை உணவுகளைக் கடித்து மென்று தின்ன இவ்வகை செயற்கைப் பற்கள் உதவியாக இருக்காது. மரபு வழியிலான செயற்கைப் பற்கள் ஐந்து வருடங்கள் வரை மட்டுமேப் பயனுடையதாக இருக்கும்.

2. விலையுயர்ந்த நவீனமான செயற்கைப் பல் கட்டுதல்

நவீனமான செயற்கைப் பற்கள் கட்ட லூசிடோன் 199 அக்ரிலிக் பயன்படுத்தப்படுகிறது. நவீனச் செயற்கைப் பற்கள் 16 வகை பல் நிறங்களுடன் ஒத்து போகின்றன. நவீனச் செயற்கைப் பல் கட்டுதலில் நெகிழ்வு சோர்வு ஏற்படாது. எவ்வகை உணவையும் மெல்லலாம், கடிக்கலாம். நவீனச் செயற்கைப் பற்கள் 15 வருடங்கள் நீடித்து உழைக்கும். மரபு வழியிலான செயற்கைப்பல் விலையை விட மூன்று மடங்கு விலை அதிகம்.

செயற்கை பல் கட்டுவதற்கு முடிவு செய்த பின்பு, நாம் நான்கு கேள்விகளைக் கேட்க வேண்டும்.

1. இந்த வகைச் செயற்கைப் பற்கள் நெகிழ்வு சோர்வை (Flexural Fatigue) தடுக்குமா?

2. இந்த வகைச் செயற்கைப் பற்கள் தனிப்பட்ட நோயாளியின் முழுமையான பல் தேவையை நிறைவேற்றுமா?

* இயற்கைப் பல் போல் தோற்றத்திலும் உறுதியிலும் திகழச் செயற்கைப் பற்களில் என்ன செயல்முறை நிறைவேற்றப்பட்டுள்ளது?

* செயற்கைப் பல் அமைக்க தரமான மூலப்பொருட்கள் பயன்படுத்தப்பட்டிருக்கிறதா?

பற்களுக்கான குரல்கள் ** பல் சுகாதாரத்தைச் செய்து விடாதீர்கள் விவாகரத்து! * இப்போதெல்லாம் இனிக்கிறது உதடு கடிக்கும் முத்தத்தை விட லிப்ஸ்டிக்! - ரிஷிவந்தியா

செயற்கைப் பல் தயாரிப்பதற்கான சில முன்னேற்பாடுகள் இருக்கின்றன. அவை;

1. ஆரம்ப கட்ட அச்சு முத்திரையை நோயாளின் வாயிலிருந்து எடுத்தல். (Pouring the Model)

2. ஆரம்பக்கட்ட வழக்கமான தட்டையும், கடி விளிம்புகளையும் ஒருங்கிணைத்தல். (Fabrication od Preliminary cast Custom Tray and Bite Rims)

3. குயோஸ் முகp பகுப்பாய்வி பயன்படுத்துதல். (Kois Facial Analyser)

4. வழக்கமான தட்டு அச்சுபதிவு கடி விளிம்பு அளவெடுத்தல் (Model Articulation)

5. இயற்கைப் பல்லுடன் செயற்கைப் பல்லை வரிசை அமைத்து நிலை நிறுத்துதல்.(Arrangement and Setting Teeth)

6. ஈறு வரையறைகளை மெழுகுதல் (Waxing)

7. பூச்சுப் பலகைப் பாதுகாப்பு (Flasking)

8. அக்ரிலிக்கை கலத்தல் (Mixing with Acrylic)

9. அக்ரலிக்கை அழுத்துதல் (Acrylic Pressing)

10. செயற்கைப்பல் கட்டுவதை முழுமை செய்தல்(Finishing the Dentire)

11. செயற்கைப் பல்லை நகாசு செய்தல்.(Polishing Denture)

செயற்கைப்பல், நீளம், அகலம், உயரம் என்று மூன்று பரிமாணங்களில் அமைக்கப்பட வேண்டும்.

வாயையும் தாடையையும் அளக்க வேண்டும். அத்துடன் ஈறு மற்றும் பற்களின் அச்சுக்களை வார்த்தெடுக்க வேண்டும். கட்டப்பட்ட செயற்கைப்பல் ஆறு திசைகளில் அசைய அனுமதிக்கப்பட வேண்டும். அசைவு எலும்பு, தசை, மென்திசு பொறுத்தே அமையும்.

குயோஸ் பல் மற்றும் முகp பகுப்பாய்வி (சுருக்கமாக ஆங்கிலத்தில் (KDFA) என்பது பல் மருத்துவரின் ஒரு கருவி. இக்கருவி பல் பிரச்சனைகளை மதிப்பீடு செய்வதற்கும் சிகிச்சை செய்வதற்கும் பயன்படுகிறது.


இக்கருவியின் பயன்பாடுகளாக,

* நோயாளியின் முகத்துடன் பற்களை அழகுணர்ச்சி நோக்கத்துடன் பதிவு செய்கிறது. (Register Teeth to the Face)

* சராசரி அச்சில் பற்கள் அசையப் பதிவு செய்கிறது (Register Teeth to an Average Axis)

* பற்சேர்க்கை அமைப்பை உறுதி செய்தல். (Capture Occulusal Plane)

* முகப் பரிமாணங்களை மதிப்பீடு செய்தல். (Evaluate Facial Proportions)

* உதட்டு நரம்பு நார் பகுதியை அளத்தல் (Measur Lip Commissures)

* மேல்தாடை வார்ப்புகளை மையப்படுத்துதல். (Mount Maxillary Casts)

* இக்கருவியுடன் உலோகப் பகுப்பாய்விவில் இரு வளைந்த பாகங்கள் துணைக் கருவியும் (Metal Analyser Bow Match)

* செங்குத்து காட்டி கம்பி சேர்ப்பு துணை கருவி (Vertical Indicator Rod Assembly)

* இருபது உபயோகித்து எறியும் குறியீட்டு தட்டுகள் (20 Disposable Index Trays)

இருக்கின்றன.




செயற்கைப் பற்கள் கட்டுவதற்கான தோராய செலவுகள் என்று,

* ஒவ்வொரு தாடைக்கும் முழு பற்கள் கட்ட, பத்தாயிரம் ரூபாயிலிருந்து அறுபதாயிரம் ரூபாய் வரை செலவாகும்.

* பகுதி செயற்கைப் பல்லுக்கு 9 ஆயிரத்திலிருந்து 30 ஆயிரம் வரை செலவாகும்.

* தனி ஒரு செயற்கைப்பல்லுக்கு 6 ஆயிரம் ரூபாயிலிருந்து 10,000 ரூபாய் வரை ஆகும்.

* பல் பதியம் சார்ந்த செயற்கைப் பல்லுக்கு 60000 முதல் 2 லட்ச ரூபாய் வரை செலவாகும்.

பல் மருத்துவக் காப்பீடுகளில் பல வகை உண்டு. சிலவகை காப்பீடுகள் முழு பல் மருத்துவச் செலவுக்கும் பொறுப்பேற்கிறது.

பல் மருத்துவமனைகளில் தவணை முறையில் செலுத்தும் வசதியும் தரப்படுவதுண்டு.

ஒரு பல் மருத்துவரைச் செயற்கை பல் கட்ட அணுகும் முன் கவனிக்க வேண்டியவை.

* பல் மருத்துவர் பல் மருத்துவர்களுக்கான குழுவில் பதிவு செய்து கொண்ட மருத்துவரா?

* செயற்கைப் பல் கட்டுவதில் போதிய அனுபவம் பெற்றவரா?

* பல் மருத்துவர் கட்டணத்தில் ஏதேனும் தள்ளுபடி அல்லது தவணை முறையில் செலுத்தும் திட்டம் வைத்திருக்கிறாரா?

செயற்கைப்பல் கட்டுவதில் கீழ்க்கண்ட பக்க விளைவுகள் ஏற்படலாம்.

* மிகுதியான எச்சில் ஊறுவதால் பேச்சில் குளறுபடி ஏற்படலாம்.

* உணவை மெல்லவும் உண்ணவும் கடினமாக இருக்கலாம். சில சமயம் செயற்கைப் பல் கழன்று விடலாம்.

* உணவின் சுவை அல்லது ருசியை நாக்கு உணராது.

* வாய்ப்புண் அல்லது உதடு வெடிப்பு.

* உள்வாய் சிவந்து வீங்கும்.

* தலைவலி காதுவலி.

* நைவு ஆழ்கீற்று அல்லது பல் கூச்சம்.

* எலும்பு இழப்பு.

* உணவு செயற்கைப் பல்லுக்கு அடியில் சிக்கிச் சிதைந்து போகுதல்.

* நிரந்தரமாய்ப் பொருத்தப்பட்ட செயற்கைப் பல்லில் நெகிழ்வு தன்மையும் தகவமை திறனும் குறைவு.

* உலர்வாய் ஈறு வீக்கம்.

* வாயழற்சி.

* தாழ்வு மனப்பான்மை.

* வயோதிகம் ஆனது போன்ற மனப்பிரமை.

வன்முறையாளர்களுக்கு பல் மருத்துவம் பார்க்கலாமா? ஜெஸிமா பானு, தென்காசி தெருவில் அடிதடி வன்முறை நிகழ்த்தி அதில் பற்களை இழந்து ரத்தம் சொட்டச்சொட்ட யாராவது உங்கள் மருத்துவமனைக்கு வந்தால் அவர்களுக்குச் சிகிச்சை அளிப்பீர்களா? மருத்துவர்கள் ஆ. நிலாமகன் மற்றும் பஹிமா: அந்த வன்முறையாளரால் நமக்கோ நம் மருத்துவமனைக்கோப் பிரச்சனை வரும் என்றால் அவர்களை அனுமதிக்காமல் இருப்பதே நல்லது. இருப்பினும், அவர்கள் அமைதியாக இருந்தால் முதலுதவி செய்யலாம். அதன் பிறகு, அவரையேக் காவல்துறைக்குத் தகவல் தெரிவிக்கச் சொல்லலாம். அவர் மறுத்தால், நாமேக் காவல்துறைக்கு தகவல் தெரிவிக்கலாம் அல்லது முன்னெச்சரிக்கையாக அவர்களை அரசு மருத்துவமனைக்குப் போகச் சொல்லி அமைதியாய் வலியுறுத்தலாம். பாதிக்கப்பட்டவர் காவல்துறைக்கு முறைப்படி புகார் செய்து, புகார் ரசீது கொண்டு வந்த பின்பு, அவருக்கு முழுமையான பல் மருத்துவம் செய்யலாம். இங்கு சூழ்நிலைக்கு ஏற்ப சமயோசிதமாய் நடந்து கொள்ள வேண்டும் அவ்வளவுதான்.

இங்கு நாம், ஒன்றைப் புரிந்து கொள்ள வேண்டும். நம் உடலானது எந்தவொரு மாற்றுப் பொருட்களையும் உடனடியாக ஏற்றுக் கொள்ளாது. உறுப்புகள் தானத்தில் கூட உடல் ஏற்றுக் கொள்ள தகுந்த மருத்துவம் செய்வர். மனித மனம் உலகின் எல்லா நிலைகளிலும் நெகடிவ் பாசிடிவ் ரோல் வகிக்கிறது. செயற்கைப்பல்லை மனம் பழக ஓரிரு மாதங்கள் ஆகும். அதுவரை செயற்கைப்பல் பொருத்தப்பட்டவர்கள் கண்ணாடி முன் நின்று பற்களைப் பலவிதமாய்ச் சோதிப்பர். தனக்குப் பிடித்த பல பெயர்களை உச்சரித்து பார்ப்பர்.

* ‘ரங்கராஜ்’ என்கிற பெயரை ‘லங்கராஜு’ என்றுதான் உச்சரிப்பர்.

* ‘கிருஷ்ணமூர்த்தி’யை ‘கிஷ்னமூழ்த்தி’ என்று தான் உச்சரிப்பர்.

எல்லாம் கொஞ்ச நாள் பயக்க வயக்கம்தான் ஹிஹி… பழக்க வழக்கம்தான்...!

(தொடரும்...)

*****

இது முத்துக்கமலம் இணைய இதழின் படைப்பு.